مجتمع رجيمموضوعات النقاش المميزة .. لا للمنقول

الجنسيه؟؟؟ {حملة سماالابداع}

ام حنين 1981 05:38 PM 12-11-2010





بسم الله الرحمن الرحيم

اخواتي الغاليات اليوم عايزه اناقشكم في موضوع مهم ويمكن حساس بس اتمنى اعرف وجهة نظركم وارائكم.

انا عايزه اكلمكم عن الجنسيه جنسية كل وحده فينا يعني الهويه الوطنيه طبعا كلنا عرب واخوه ومسلمين والحمدلله لكن انا عايزه أسأل لو اتعرض عليكي انك تتنزلي عن جنسيتك مقابل اي جنسيه تانيه عربيه او اجنبيه ياترى حتوافقي؟

يعني في احيانا ظروف تطرك تغيري جنسيتك زي مثلا وحده زوجها من بلد غير بلدها فتغير جنسيتها عشان عيالها وزوجها انتي ممكن تعملي كده؟

وفي ناس تانيه بتطمح بجنسيه اجنبيه وممكن تتنازل بسهوله عن جنسيتها العربيه لمصالح اجتماعيه او ماديه انتي ممكن تعملي كده؟

حتى في امهات بيخططوا لولادتهم في دول اجنبيه عشان اولادهم تاخد جنسية البلد هل انتي بتطمحي لكده؟

طبعا الموضوع واضح مهما كان السبب او الظرف اللي ممكن يطر اي وحده فينا لكده.

وعلى فكره انا قصدي لو كانت كل الدول لاتسمح بالاحتفاظ بجنسيتين يعني انتي تكوني مطره تختاري بين جنسيتك الاصليه والجديده؟

زي السعوديه مثلا لاتسمح بأي جنسيه مع الجنسيه السعوديه.

يارب يكون الموضوع عجبكم ونتناقش فيه بموضوعيه .

في انتظاركم يااحلى وردات؟؟
نور2011 06:09 PM 12-11-2010
موضوعك هام فعلا

بالنسبه للي بتتجوز برجل اجنبي فهي اكيد فكرت قبل ما ترتبط لو بلدها بتسقط جنسيتها بمجرد حصولها على جنسيه تانيه

هي فكرت كويس وقدرت وقررت انها تتنازل سواء مضطره بسبب جوزها من اجنبي او اولادها او هي بالنسبلها متفرقش جنسيتها الاصليه

وزي ماقولتي في ناس بتهدف لاولادها انهم ياخدو جنسيه اجنبيه

انا بالنسبالي مقدرش اتنازل عن جنسية بلدي مهما كانت الظروف

وطبعا الله اعلم بالمستقبل بس انا بتكلم عن نفسي وانا في كامل قوي العقليه ههههههه

الله اعلم ربنا مقدر لينا ايه

بس في ناس بتتمنى لاولادها الافضل دايما وبتبص للجنسيه الاجنبيه مثلا انها بلاد بتدي تامين ورعايه وتعليم وامور كتير افضل من بلادها ودا الي بيخليهم يسعو انهم يحصلو لاولادهم على الجنسيه دي يعني منقدرش نلوم الي بيفكرو بالطريقه دي

لكن ارجع واقوالك انا مقدرش اعمل كده لاني احب جنسيتي واحب ولادي يكونو زي واتمنى ااقدر احققلهم كل شىء ممكن يستفادو منه من بلاد تانيه

ان شاءالله
%nano% 07:17 PM 12-11-2010
مبرووووووووك عليكى الوسام
موضوع مهم جداااااااااااااااا

مش عارفة اقولك ايييييييييييه انا شخصيا لم اتخيل نفسى
انى ممكن اتخلى عن هويتى و جنسيتى

بس اقولك انا اخويا اخد الجنسية الا نجليزية واولا ده

وكان نفسه فيها
يمكن لم اتحط فى موقف عشان اختار سا عتها
صدقينى مش عارفة اجا وبك بجد

بس طبيعة شخصيتى صعب انى اترك جنسيتى وبلدى واهلى
نورتى القسم بجد
المشتاقة للجنان 08:28 PM 12-11-2010
موضوع رائع حبيبتي

انا بالنسبه ليا ما اتنزلش عن جنسيتي ابدا
ولو حصل معرفش هيكون قراري الزاي

لكن بالوقت الحالي ابدا ما اتنازل عن جنسيتي
مشكوره يا قمرررر
كلمة صدق 10:19 PM 12-11-2010
موضوع مهم جدا يا غالية وشكرا لك على طرحه للنقاش ..
فغلا فيه ناس كتير جدا بتفكر وقت ميلاد اولادهم انهم يسافروا دول اجنبية عشان ياخدوا الجنسية منها ..
وبيكونوا شايفين ان ده مصلحة لاولادهم في المستقبل..
انا عن نفسي ارفض هذا التفكير ..
وارفض ان اتخلى عن جنسيتي مقابل الحصول على اي جنسية لاي دولة اخرى ومهما كانت المميزات ..
فاحساسي بانتمائي لن يزول بمجرد تنازلي عن جبسيتي .. ولن يتولد انتماء جديد للجنسية الجديدة وفي النهاية ساكون بدون هوية ..

شكرا لك يا غالية مرة اخرى
ومبروك الوسام ..
دمت بكل الود
ام حنين 1981 10:23 PM 12-11-2010
اقتباس : المشاركة التي أضيفت بواسطة نور2011:
موضوعك هام فعلا

بالنسبه للي بتتجوز برجل اجنبي فهي اكيد فكرت قبل ما ترتبط لو بلدها بتسقط جنسيتها بمجرد حصولها على جنسيه تانيه

هي فكرت كويس وقدرت وقررت انها تتنازل سواء مضطره بسبب جوزها من اجنبي او اولادها او هي بالنسبلها متفرقش جنسيتها الاصليه

وزي ماقولتي في ناس بتهدف لاولادها انهم ياخدو جنسيه اجنبيه

انا بالنسبالي مقدرش اتنازل عن جنسية بلدي مهما كانت الظروف

وطبعا الله اعلم بالمستقبل بس انا بتكلم عن نفسي وانا في كامل قوي العقليه ههههههه

الله اعلم ربنا مقدر لينا ايه

بس في ناس بتتمنى لاولادها الافضل دايما وبتبص للجنسيه الاجنبيه مثلا انها بلاد بتدي تامين ورعايه وتعليم وامور كتير افضل من بلادها ودا الي بيخليهم يسعو انهم يحصلو لاولادهم على الجنسيه دي يعني منقدرش نلوم الي بيفكرو بالطريقه دي

لكن ارجع واقوالك انا مقدرش اعمل كده لاني احب جنسيتي واحب ولادي يكونو زي واتمنى ااقدر احققلهم كل شىء ممكن يستفادو منه من بلاد تانيه

ان شاءالله
هههههههه حلوه في كامل قواي العقليه دي.
انشاءالله مقدرلك كل خير ياقمر
وتحققي لأولادك كل اللي تتمنهولهم في اي مكان في العالم
نورتي الموضوع بجد واسعدتيني بمشاركتك.
1 2  3  4