مجتمع رجيمأطباقنا الخاصة للرجيم

يسلام على فاهيتا ولا احلى الدايت>>>



صباح معطر بالياسمين على الحلوات الرشيقات


انا اليوم جيبالكوا اكلة انما ايه تحفة هاتكلوا صوابعكوا وراها

فاهيتا بس مش اى فاهيتا دى دايت وصحية جداوبطريقة جديدة وهاتعجبكوا ان شاء الله

بس قبل ما ابداء احب اعرفكوا ان للأسف انا مش مصورة اول الخطوات اصل المذاكرة اخدت عقلى

المقادير

لحم جملى مقطع

بصل وفلفل الاوان

ملح وفلفل وكمون وزنجبيل وشطة وخل وثوم مفروم

و2ملعقة كاتشب حار

الطريقة

نضع اللحمة المتقطعة فى حلة ضغت(برستو)

مع كل المكونات السابقة ماعدا(البصل والفلفل وملعقة كاتشب)ونقلبها جيدا ونتركها لحد ماتستوى نصف سوا

وهنا بعد ما استوت نصف سوا


وبعدين نجيب البصل والفلفل للأسف ماعنديش الاوان


ونقطعهم طرانشات

ونحط البصل على النار فى طاسة مدهونة بملعقة زيت زيتون يتشوح بس نطلعه فاتح جدا جدا افتح من اللون الدهبى


ونضيفله الفلفل ونتركه قليلا على النار حوالى ثلاث دقائق


وبعدين نضيفله اللحمة وملعقة الكاتشب


ونقلبه كويس ونغطى الطاسة لحد ما يستوى تماما


ونعمله ساندويتشات عيش اسمر ونقدمه مع صوص الفاهيتا الدايت



وبالهنا والشفا


اكلة صحية لعيونكم يا رشيقات


ان شاء الله تجربوها وتعجبكوا يا حلوين


انا فى انتظار ردودكوا الجميلة والتقييم الراائع

تحياتى لكم

تسلم ايدك يا ملوك ..
فعلا اكلة صحية جدا وخفيفة
بس للاسف مش هقدر اخد السندوتش عشان اولا صايمة وثانيا مش بحب الجملي ههههههه
دمت بود
طبق شهي يقمر

يسلموووو الاياادي
تسلمى يا قمرررر على الوصفة الشهية..
ولا احلي حبيبتي تسلمي ياقمر اكلة تحفة

انا هاخد طبقي دمتي مبدعة ومتميزة ياقمراية
اقتباس : المشاركة التي أضيفت بواسطة كلمة صدق:
تسلم ايدك يا ملوك ..
فعلا اكلة صحية جدا وخفيفة
بس للاسف مش هقدر اخد السندوتش عشان اولا صايمة وثانيا مش بحب الجملي ههههههه
دمت بود
اهلا اهلا بالغالية كلمة صدق

نورتى موضوعى ياغالية هبقى اعملهولك بالدجاج عشان تاخدى الطبق

شكرا على المرور الجميييييل
1 2  3