تفتكرى مين السبب ؟؟؟؟؟؟؟؟ ( حملة سماء الابداع )

مجتمع رجيم / مقهى وردات رجيم

كتبت : قلب المنتدى

أزيكم يا أخواتى وحبايبى أخباركم أيه يارب تكونوا بخير

عايزة أدردش معاكم فى موضوع محير قوى بالنسبة لى تفتكرى الراجل أبو عين زيغة اللى ما بيسيبش واحدة تعدى غير لما يبص عليها ويجبها من فوق لتحت أيه السبب انه بيبص بره تفتكرى زوجته هى السبب وفى تقصير من ناحيتها ولا دا طبع فى الراجل ولا لبس البنات اللى مالوش أى علاقة بالدين والحياء ولا أيه يالظبط ؟

وتفتكرى لو زوجك من النوع دا ها تكون أيه الطريقة اللى تمنعه انه يبص بره ؟

أنا طبعا بالنسبة لى الحمد لله زوجى بيحافظ على غض البصر لكن المشكلة ان كل ما واحدة صدقتى تكلمنى تقولى تصوري ببقى ماشية معاه وبيبص على كل واحدة شوية أحيانا بيكون فى تقصير منها واحيانا لالالالا دا بقى اللى بيجننى ماببقاش عارفة انصحها أقولها أيه

ياريت ندردش مع بعض فى الموضوع المهم دا يمكن نلاقى حل

بحبكم فى الله

كتبت : eng_emanzeed

يا اختى موضوعك مهم طبعا واكتر من رائع

اول شىء يجعل الراجل يعمل كده هو قلة الايمان بالله وما يعرف شىء اسمه غض البصر

اولا لما كنت عايشة بمصر كان الشباب يبصوا على البنت اللى لبسها مش كويس حتى اذا كان راجل ملتحى

ثانيا لما جيت على ابوظبى لقيت الراجل يكون ماشى فى المول ومعه زوجته وراجل ايه باين عليه الهيبه والجلال وفجأه زوجته تروح تتفرج على شىء وهو من الناحية الثانية بيمشى ورا واحده من اللى بيبيعوا فى المول

تخيلى انا صوعقت لما شوفت من اسبوع ومراته لابسة نقاب ربنا يهديهم جميعا

اما بالنسبة اذا كان زوجى هو اللى كده ؟؟؟؟؟؟؟؟ اول شىء هاحاول ابسطه بالبيت واشوف اذا اتغير كان التقصير منى انا اما اذا ظل كما هو يكون التقصير قله ايمانه حتى اذا كان بيصلى ولكن ولله الحمد زوجى يغض البصر

كتبت : randoda

موضوع صعب حبيبتى

المهم ان الزوجة تقوم باللى عليها

و بعد كه لو ده طبعة يبقى تذكره بالله و ببناته او بيها ترضى حد يبص لمراتك و الا اختك و الا امك

بارك الله فيك حبيبتى

ربنا يحفظ ازواجنا و يهديهم

كتبت : ام حنين 1981

موضوع رائع ياقمر وفعلا زايد جدا الايام دي
شوفي انا مقدرش اعرف بالظبط ايه السبب اللي يخلي الراجل يكون كده يعني ممكن الللبس الملفت جدا للبنات اليومين دول وممكن يكون بعضهم ضعف الوازع الديني وده تلاقيه بيبص على الكل المحتشمه والمتبرجه والكل وفي بعضهم بيبص ويستغرب او ينتقد فصعب نحدد سبب واحد لأن كل رجل يختلف عن التاني .
وبالنسبه للزوجه المفروض تكون فاهمه دافع زوجها ومن خلالو تحدد ازاي تتعامل معاه يعني في رجاله بيعملوا كده مخصوص عشان ملراتو تشوفو وتغير او عشان تهتم بنفسها اكتر عشان كده الاحسن انها تسألو بأسلوب حلو ذوق.
انا الحمدلله زوجي مبيبصش وبيخاف جدا وبيقول انا متأكد اني لو عملت كده حتترد على طول في زوجتي او اختي اوبنتي وربنا يهدينا جميعا يارب

تسلمي على الموضوع الجميل ده
وتقبلي مروري

كتبت : كلمة صدق

موضوع جميل جدا يا قمر
شكرا لك على طرحه للنقاش ..
بالنسبة لرأيي انا شايفه ان كل الرجال فيهم الصفة دي ..
بدليل ان فيه رجال محترمين جدا جدا ومتدينين جدا جدا جدا ومع ذلك تلاقي عينه رايحة جاية على البنات والستات اللي ماشيين في الشارع ولما تيجي تسأليه ليه كده .. يقولك عادي .. النظرة الاولى لك والثانية عليك
اذن فالموضوع مش تقصير من الزوجة ابدا لان فيه رجال زوجاتهم ملكات جمال رشاقة وجمال واناقة ومع ذلك تلاقي عينه بتزوغ يمين وشمال

فانا شايفة انه طبع في كل الرجال
ولا علاج له .. فاذا كانت الزوجة متضايقة من الموضوع ده الاسهل عليها انها تصفي عينيه وترتاح ههههههههه

ربنا يهدي الجميع
مبروك الوسام يا غالية
دمت بكل الود

كتبت : داريــن

امممممممم الموضوع صعب شوي

وهدا الشي صعب انك تمنعيه انو يبصبص شوي لانو هالايام هن البنات اللي ما شاء الله عيونهم زايغه ....انا اتوقع لو كان يتبع كلام الله ما بصبص على حرمه لازم غض البصر .....

تفتكرى مين السبب ؟؟؟؟؟؟؟؟ ( حملة سماء الابداع )

مجتمع رجيم / مقهى وردات رجيم

دخول لكل اعضاء المنتدى(حملة سماء الا بداع)

برنامجك المعتاد لدخولك المنتدى* حمله سماء الابداع *

تفتكرى مين السبب ؟؟؟؟؟؟؟؟ ( حملة سماء الابداع )

مجتمع رجيم / مقهى وردات رجيم

دخول لكل اعضاء المنتدى(حملة سماء الا بداع)

برنامجك المعتاد لدخولك المنتدى*** حمله سماء الابداع ***

برنامجك المعتاد لدخولك المنتدى* حمله سماء الابداع *