مجتمع رجيمأطباقنا الخاصة للرجيم

طبخة لذيذة ومتكاملة ولايت تعالوا شوفوها






الاكل انهاردة عبارة عن وجبة متكاملة يعني لحم وهو مصدر طبعا للبروتين والعدس مع الارز نشويات والزبادي كالسيوم والخس فيتامينات ومعادن

ندخل في الموضوع
المقادير:
ربع كيلو لحمة بفتيك مش شرط ممكن لحمه قطع بس انا عندي بفتيك حمرا وخالية من الدهون
بصلة
كوب ماء
ملح وفلفل اسمر

الطريقة

رص اللحمه في الاناء واقطعي البصل حلقات كبيرة ورشه فلفل وكوب الماء وغطي الاناء

بعد متتدخل اللحمه في السوا نجيب صينيه ونرش الملح ونزود شويه ماء كمان بس انا هستخدم البرام

طبعا انا زهقتكم من استخدامي للبرام بس سامحوني انا بحب اطبخ في البرام جدا اجمل مافي الوصفة دي انها بسيطة ومفيش اضافات وكمان بتطلع اللحمة كانها مشويه

كمان بتفضل اللحمة بالرف السفلي عشان تتحمر جيدا وممكن تسخني فحم علي النار ويضاف بعد خروج الصينية وتغطيها بس انا ماستخدمتش فحم لان البرام الاكل فيه مش بيحتاج فحم

وبجد جربوها خطيرة مش هتندموا

الكشري الاسكندراني بس من غير دهون:

كوب صغير عدس اصفر

2 كوب ارز

4 كوب ماء
كمون
ملح
بصلة

نضع الماء بالاناء وكمان الكمون والملح والبصلة نقطعها صغير



نضع الاناء علي النار ولما يغلي نضيف الارز والعدس ولما يغلي ويبدء يستوي نخفض النار



بجد طعمه رائع ومن غير دهون

سلطة الزبادي
زبادي ازيل الوجه الدسم

خيارة مقطعة صغير
راس الخس البلدي مقشرة ومقطعة
فص ثوم صغير
ملح وفلفل اسود والقليل من الماء

نقلب كله مع بعض وتقدم مع الخس

ده الاكل كله والحلو عشان الفوائد تكتمل يوسفي

بجد جربوها وعاوزة اقولكم ان زوجي طبعا اكل معايا من كل الاكل اللي عملته ومخدش باله ان الطرق متغيرة بس كل ماياكل يقولي الاكل جميل جدا اليوم يسلموا ايديكي

ده معناه ان الاكل بالنفس مش بالدهون والسعرات الزيادة

يلا سلام
دينار يا قمر

انا كنت عاوزة اتغدى معك اليوم

السفرة شكلها تجنن وانا بموت فى العدس الإسكندرانى

وبما انى اول رد اخدت الأكل كله


تسلم ايدك يا دينار والف مبرووووووووك الوسام والتقييم

انا فى انتظار جديدك يا قمر

تقبلى مرورى







يسلم لي ذوقك الحلو وكلامك الرقيق ياحبيبتي

واتفضلي الاكل بالف هنا هههههههههه

اسعدني مرورك ياقمرة
ما شاء الله دينا
ايه الجمال ده تسلم ايدك حبيبتى
انا ابتديت اخيرا انتى اقلل اكلى واخس شويه ويا رب انفذ كلامى وما ارجعش آكل تانى لانى تخنت
ان شاء الله حطبق اكلاتك واضعها هنا لانك شجعتينى
بارك الله فيك وفى انتظار جديدك :)
الله يسلمك اختي زهرة نورتي موضوعي واحسن طريقة لتخسيس الوزن التخفيف في الدهون والسعرات الحراريه

اوممكن تختاري نظام غذائي وتعملي تعديل من عندك يعني مثلا الافطار زي النظام بالظبط وكذلك العشاء ام الغداء يكون نفس اكلك اللي بتعمليه بس غيري شوي اطبخي مرات من غير زيت ولا سمن مرات استعملي لبن بودرة خالي الدسم زودي التوابل وكده هتحصلي علي نفس الطعم وكمان مش هيزيد وزنك

اسعدني مرورك ياغاليتي
1 2  3