★★ يومــيـات الــعنـــود n_n™

هيلووووو د. فوز
كيفك؟
اليوم مزاجي عال العال مع انو جاني صداع فظيع العصر مدري ليه
المهم الدايت لليوم كالتالي:
صحيت الفجر وشربت 4 اكواب مويه دافيه, ما اكلت الساعه 8 لانو ماعرفت وشو كورن فليكس بالشوفان وشاي الشمر, ف عشان كذا رجعت نمت
بعدين صحيت 11 اكلت كرز, 12 مشيت ع السيكل نص ساعه
الساعه 1 اكلت رز بني بس مسلوق ما عجبني طعمه, مدري هل له طريقة معينه اسويها فيه
الساعه 3 اكلت سلطه بس بدون بنجر لانو ما كان متوفر عندي
الساعه 6 سويت يوغا بس معليييييش ماعاد اسويها, حسيت اني تقطعت وانكتمت, هي تقول خذي نفس عميق وانا انسى كل شوي
الساعه 7 ما اكلت شوربه خضار.... انتظرك تكتبين لي وصفتها , بدالها شربت لي كوب لبن خفيف الدسم
الساعه 9 اكلت 3 تمرات
ووبس... لاحظي اني تقريبا مشيت ع البلان, شاطره انا

هلا بالعنود

اسفه جداً لاني ماكتبت لك طريقه شوربه الخضار حقك علي

هذي الطريقه
مدة الطهي: 45 دقيقة مدة التحضير: 15 دقيقة

المقادير
6 حبات كبيرة بصل أخضر أو أصفر
6 حبات ثوم
2 حبة فلفل أخضر بارد
علبة أو علبتين عصير طماطم أو ما يعادله بصورة مطحونة أو أربع حبات طماطم
حبة ملفوف كبيرة
حزمة الكرافس، اختياري


الطريقة
1-توضع الخضار المقطعة في وعاء كبير. .
2-يمكن إضافة الأملاح والفلفل والكاري والصلصة الحارة. .
3-يصب عليه الماء ويترك يغلي لمدة 45 دقيقة

-------
اذا ماناسبتك ممكن تحضرين شوربه عدس عاديه


نظامك الحمدلله تحسن اليوم بس أنتي لغيتي كذا شغله في الرجيم
هدفي في البرنامج يالعنود هو رفع مناعتك ومستوى النشاط والحيويه عندك
وامداد جسمك بكل شي يحتاجه
انتي يمكن على بالك اذا لغيتي الفطور او شي من البرنامج بيكون احسن على اساس يخفض وزنك
مسئله تخفيض الوزن بسيطه وهدف فرعي لي المهم هنا انك ماتهملين صحتك ويكون غذائك 100% صحي
عشان نهايه الشهر مايكون عندك تساقط شعر ولا شحوب في البشره


الشمر موجود عند العطار
اغلي كوب ماء مع ملعقه شمر
واستمتعي فيه

الكورن فلكس بالشوفان
فيه انواع كثيره في السوبرماركت
منها مثلا هذا النوع





الرز البني
ينقع لمده 6 الى 12 ساعه
ويغلى بعد كذا كل كوب رز يقابله كوب ونصف ماء
وضيفي البهارات على حسب رغبتك



نظام الخميس بكتبه لك في الرد الثاني

موفقه حبيبتي :)

يوم الخميس

يوم التخلص من السموم
7ص : ماء دافئ بالليمون
البارد يصدم البطن ويسبب انتفاخ , الليمون يخلص البطن من فضلات اليوم السابق

7.30 ص: ملعقه كبيره من بذور الكتان الناضجة في كوب ماء مغلي في اليله السابقه وفي الصباح اشربي المنقوع فقط

8 ص الافطار : اختيار بين التالي
الفواكه : التفاح – الكمثرى – الببايا – الاناناس – الكرز – خوخ – مشمش – بطيخ
عصير خضروات : خياره + ربع الزنجبيل مقشر + 4 اعواد كرفس + 3 اغصان من البقدونس + جزره
9.30 ص
شاي قراص او شاي مرميه او البابونج

10ص : تناول عصير الفاكهة

12.30ظ الغداء :اختار
سلطه طازجه
شربة الخيار والنعناع (خياره – 4\1كوب نعناع + بقدونس + الكرات مفرومه ودافئه )
ارز بني – دخن
2ظ: فتره شرب شاي عشبي
2.30 ظ عصير خضروات للتخلص من السموم
بنجر+ جزره + كرفس + خياره

3: شاي عشبي

3.30ظ : بذور دوار الشمس – بذور القرع
4م : عصير خضروات منعش
جزر + افوكادو + تفاحه + ريحان + ليمون
5.30 م العشاء :
سلطه خضراء + شوفان او ارز اذا فيه جوع شديد
6.30 : وجبة البوتاسيوم
2 بطاطس + 2جزره +1 بنجر +4كرفس+ 1كوب بقدونس +1كوب لفت
ذره من الفلفل الحريف لاضافه المذاق
تقطع وسط قدر مضاف له ماء لتر ونصف ووضعها على النار حتى تغلي ثم اخفض الحراره ثم انتظار لمده ساعتين ثم س الخضراوات

7.30 م = كوب ماء دافئ + عصير ليمونه

8.15 م = استخدمي فرشاة للجسم
((من بودي شوب متوفره)) و فرشي فيها جسدك كانك تدلكينه برقه و خفه و بحركات طوليه من اسفل الى اعلى نحو مستوى القلب

8.30 م = حمام المعادن و يتكون من ( 2 ملعقه صغيره زيت بذر الكتان + 2 ملعقه صغيره زيت الصبار + 3 او 4 نقط زيت عطري)

9.00 م = قبل النوم (( بضع من الخس او اعولد الكرفس ))

يجب النوم مبكرا .. ما بي ال 9.30 او 10.30 م

اذا شعرتي بالجوع اشربي عصير فاكهه او عصير خضراوات

اذا حسيتي بارهاق او كثره الذهاب الى دوره المياه هذا شي طبيعي

_______

الجمعه بيكون اختيارك
اما انك تستمري على يوم التخلص من السموم اذا كان في مقدورك او تمشي على نظام يوم الاربعاء

بالتوفيق :)

مرحبا د. فوز
كيفك؟
اليوم حده كان بزي وربي زين لقيت وقتك احك فيه راسي
الدايت كالتالي:
الفجر 5 اكواب دافيه مويه مع عسل
وصلت الدوام بدري ف كان عندي نص ساعه مشيت فيها
الساعه 8 ما اكلت لانو حدي انشغلت
الساعه 10 اكلت جزرتين وخياره
الساعه 12 مشيت ثلث ساعه
الساعه 12 ونص اكلت البطاطس المهروسه بس استخدمت البطاطا الحلوه لاني ماحب العاديه احسها صمغ ف حلقي
الساعه 3 ما اكلت شي
الساعه 6 طلعت انا وصاحبتي مشينا نص ساعه
الساعه 6 ونص اكلت لي لوز لانو ماكان عندي دوار الشمس
الساعه 9 اكلت كرفس وزبادي خالي الدسم

الحين صحيح الدايت الغلط يمكن تطيح الشعر؟!, عاد انا بدون شي شعري يتساقط مثل المطر
قالوا لي لو اكثر جرجير وجزر بيتعدل شعري وبشرتي صحيح؟
والشاي العشبي قصدك فيه وشو؟

أكيد الدايت الغير صحي يسبب تساقط الشعر وضعف عام وشحوب في البشره
بالنسبه للشاي العشبي يكون حسب رغبتك ممكن بابونج او نعناع او شمر وغيرها من الأعشاب الصحيه

العنود اليوم الجمعه
قيسي وزنك وخبريني كم صار ؟
في انتظارك