ايه اكتر موقف محرج حصلك؟؟؟(لحملة سماء الإبداع)
مجتمع رجيم / الموضوعات المميزه فى ساحة مرح
كتبت :
ولا احلى
-
صباح الفل يا خفيفات الظل
ثانى موضوع ليه
لحملة سماء الإبداع
ايه اكتر موقف محرج حصلك؟؟؟؟؟؟؟؟
فكراه؟؟؟؟؟
اكيد كلنا بيحصلنا مواقف محرجة واكيد فى منها كوميدى
وطبعا صعب جدا اننا ننساه
انا حصل معايا كذا موقف
محرجين جدا
اول موقف
افتكر مرة كنت فى عرض او تكريم والكراسى مرصوصة زى المسرح مثلا او السيرك
وكل الناس قاعدة ومافيش غير كرسى واحد فاضى فى سط صف الكراسى
يعنى لو وقفت هايبقى منظرى ملفت لأن الباقى قاعد ولو قعدت طول الطريق الناس هاتبص عليه لأنه الكرسى جوة جدا
بس انا كنت تعبانة وقلت اروح اقعد
ومشيت وسط الصفوف والأنظار عليه وانا كلى ثقة وماشية عادى جدا لحد ماوصلت للكرسى
والكوا ان تتخيلوا واحدة بنقاب وقعدت على الكرسى
وبعدين مش قادرة اكمل الموقف رهيب
الكرسى طلع ثلاث رجول والرجل الرابعة مكسورة ومتركبة متظر
وطبعا اول ما قعدت رجلى باقت فوق وراسى تحت
انقلبت رأسا على عقب
واللى جننى انى ماكنتش سامعة غير ضحك الرجالة
بس الحمد لله البنات قومونى
بس مش قادرة انسى الموقف دا لأن منظرى كان رهيب وكل ما اصحابى يفتكروه يفطسوا من الضحك عليه
وفى موقف تانى ابشع
مرة كنت ماشية فى جنينه ولابسة جيبة نازلة على واسع جدا
ولقيت بنوتة زى العسل راكبة مورجيحة وقالتلى تعالى مرجحينى طبعا رحتلها ازقها لأن اهلها مش معاها
ولسة بمسك المرجيحة
لقيت الجيبة اتقطعت من فوق الركبة لحد الأرض
واصبحت بنقاب وبنطلون استريتش
طبعا كنت هاموت من الإحراج وخايفة حد يشوفنى
بس الحمد لله ربنا ستر واتصلت بصحباتى
وواحدة مشيت على يمينى والتانية على شمالى
بس تفتكروا حد شافنى؟؟؟؟؟؟؟؟؟؟
انا لحد دلوقتى مش بروح المكان دا لأنى خايفة يكونو فاكرينى
ولا ثالث موقف فكراه
مرة كنت بعدى شارع عمومى زى شارع التحرير وزحمة وعربيات وهيصة وفى ايدى كيس باذنجان اضاليه الكبير جدا
وانا بعدى فى النصف والعربيات واقفة الكيس اتقطع والباذنجان نزل يتفسح فى الشارع
موقفى رهيب واللى بيعملى كلكس واللى ميت من الضحك وانا طبعا مش هاوطى المه وافرج الناس عليه ولا هاسيبه يتهرس فى الشارع
وكامنتش عارفة اعمل ايه لحد ماوحدة محترمة نزلت من عربيه ونزل معاها صاحبتها ولموه معايا
شفتو انا تعرضت لمواقف محرجة ازاى
دا اللى انا فكراه دلوقتى بس فى تانى كمان
واكيد انتوا كمان حصلكوا مواقف محرجة تعالو احكولى وقولولى اتصرفتو ازاى
انا فى انتظار ردودكوا وتقيمكوا
تحياتى لكم
المحرجة