مرحبا
شحالكن خواتي
انا متزوجة من 5 سنوات
وعندي ولد وبنت
بنتي عمرها سنة ونص
مشكلتي مع الترهلات والوزن الزايد من بعد ولاداتي
قبل الزواج كنت 59
ومن بعد الزواج كان 64 -66 بهالحدود بس من حملت اخترب كل شي
صارت عندي ترهلات وزاد وزني بعد ولادتي بولدي حاولت اضعف وسجلت بالجيم وكنت مستمرة
بس حملت ببنتي ووقفت من الجيم
وبعد الولادة طبعا ترهلات مابعدها ترهلات والوزن مايتاج واصل 79
احاول اسوي رجيم بس افشل ماقدر اقاوم الاكل
اطبخ واكل اطبخ واكل وخاصة بعد ماستقلت من الدوام اللي كان كله حركة ونشاط وقعدت بالبيت مع الصغارية
مضايقة من نفسي ماعارفة كيف اساعد نفسي واضعف
وطولي 161 ووزني 79
والكل يقولي لازم تضعفين
وزوجي مضايق من شكلي يقولي من خذتج ماكنتي جيه ليش متنتي بسبت العيال والقعدة الله كريم بس
ابا اضعف احس الكل جدامي ضعيف ورشيق ويلبس وبنطلونات وجينزات الا انا
حتى حاولت البس شي فضفاض
قصدي بنطلون فضفاض فام وضحك علي زوجي يقولي انتي متينة مب لايق عليج
وقتها صحت من خاطري شو اسوي اتمنى حد يساعدني او حد يؤازرني اني اضعف واستمر اذا بديت باي رجيم
وخاصة اني احس اني اجوع بسرعة وعلى فكرة انا مرضعه
حد يساعدني
ويزاكم الله خير