لو سمحتوووا محتاجة نصيحتكم

بسم الله الرحمن الرحيم

السلام عليكم و رحمة الله وبركاته

كيف حالكم؟؟ إن شاالله تكونوا بألف خير

أنا بنت عمري 18 سنة مو متزوجة سنة أولى جامعة عايشة مع أهلي..دايماً كنت أحس إني مو مرغوب فيا و دايماً أحس إنو محد يبغاني

مع إني والله هاااادية و في حالي..

زمااان كنت أحاول أكدب إحساسي و أقول لا أنا حساسة بزيادة كلهم يحبوني و عايدي..بس دحين بدأ يزيد عندي دا الإحساس من جد مررة نفسيتي تعبانة

دايما لما أتكلم الكل يقاطعني يمكن من غير قصد و كنت أفوتها بس دحين مرة سرت أتضايق و أحس ماما تعاملني غير عن أخواتي

أنا عندي تلاتة أخوات و أنا الرابعة و أخوين..أختين و أخ أكبر مني و متزوجين و أخت و أخ أصغر مني و معايا في البيت يعني أنا أكبر وحدة في البيت دحين

ماما عصبية مع الكل صح إنها طيبة لكنها عصبية و شديدة شويا و على طول تعصب و تتنرفز يعني ماتعرف تتفاهم معانا أبداً و دايمنها شايفتنا بطالين و بنات الناس أحسن مننا

هيا تحبنا و أنا متأكدة من دا الشي لكنها من النوع الي ماتبين شعورها يعني جااامدة و أنا دا الشي مرررة يضايقني خلاني لا شعوري أسير أعاملها بجموود زيها لأنو من أنا و صغيرة هيا ما عودتني إنها تحضني و تبوسني وكدا

أنا أخواتي و صحباتي و ماما و ناس كتيرين يقولو عني إني مرررة هاادية و ناعمة و صحباتي يقولو عني طيبة لكن أهلي في البيت يقولولي إنتي من تحت لتحت يعنيي سوسة

و ماما تقلي إني أخص وحدة في أخواتي تقلي إنتي أكتر وحدة ماتستحي..أنا ما أنكر إني أحيان ما أسمع كلامها و أعاندها بس أخواتي ماهم أحسن مني هما كمان يعاندوها ومايسمعوا كلامها و يعملوا أشياء أخص من الي أنا بعملها

ما أعرف هيا ليش شايفتني كدا حتى أتضارب مع إختي الي أصغر مني بتلاتة سنين على طول لا شعوري تيجي تهزأني أنا و هيا ماهي فاهمة ايش المشكلة بس على طول أنا الي اتهزأ سواء كنت غلطانة و لا لا

الفترة الأخيرة لما سارت تعمل كدا سرت من غير ما أحس أعصب عليها و أقلها إنتي بس تحاسبيني أنا و ماتشوفيها هيا..و مو بس مع دي الأخت مع كل الناس تغلطيني أنا

كمان أنا شويا استيعابي بطيء بس مو غبية بنت طبيعية زيي وي أي بنت تانية بس الكل يحسسني إني هبلة وما أفهم شي و ما أعرف في شي حتى لما ماما تكون بتطبخ ونقصها شي ترسل أختي الي أصغر مني للسوبر ماركت و أنا لا لأنها يمكن تحبها أكتر

و شايفتها تفهم و أنا لا..والله أنا ما أكره أختي هادي بالعكس أنا أحبها بس ماما بتصرفانها دي من غير ماتحس بتفضلها عليا

و حتى مثلا لما أكتب شي في الفيس بوك محد يحط أي كومنت إلا قلييييل بس لو أخواتي التانيين لو حطو على طول تتحط الكومنتات..يمكن أنا شخصيتي مو جذابة

بس و الله مني بطالة..

و ماما جاتها فترة بس تقلي بطريقة غير مياشرة إنو أختي الي أصغر مني أحسن مني..مع إنها و الله تمشي كل الي في راسها ودايما تعمل أشياء من ورا ماما و إذا ماما مرة مانفذلتها طلبها تسير تعاندها و ماتسمع كلامها

بس هيا سوسة لما ماما تقول شي تقلها طيب حتى لو ماعجبها بس وتروح تسوي الي تبغاه من وراها

بس أنا إذا ماما قالتلي شي ماعجبني أقلها لا..يمكن دا غباء مني بس و الله أنا أحاول إني اعمل زيها بس ما أقدر لأنو هادي طبيعتي

بنات أختي الصغار يقولو عني كماااان إني مررررة طيبة معاهم مع كدا مرررة مايحترموني و أختي مع إنها تبهدلهم و تآزيهم بس يلصقوا فيها و إذا اتضاربت معايا يروحوا هما كمان يتضاربوا معايا و يقوفوا في صفها

و بابا أكتر واحد أحبو في دي الدنيا..لما كنت صغيرة كنت دايما معاه و دايماً أخرج معاه و ألعب معاه..بس لما كبرت علاقتي سارت سطحية معاه ما أعرف ليش..مع إني للآن أحبو

و ماما تقول إنو إلين قريب كان يمدحني ويقول عني إني أطيب و حدة في أخواتي و أحلا وحدة فيهم<<طبعا دا لأنو كان مرة يحبني

بس ماما الله يهديها دايما تشتكي لبابا مننا كلنا و تشوه صورتنا قدامو..فسار هوا كمان يشوفني من تحت لتحت و أحس مكانتي قلت في قلبو

كلهم يقولولي إني اتغيرت..لما كنت صغيرة كنت فرفوشة وبس أضحك..و دحين سرت مكشرة و زعلانة طول الوقت..مع إني للآن أحب الضحك و الفرفشة بس يمكن سرت كدا من ظروفي حتى ماما تقلي إنتي لو اتزوجتي زوجك مارح يستحملك

و للآن تجيني فترات بس أضحك و انتكت بس إني حسااااااااااااااااااااسة للأسف

صحباتي يحبوني و كم وحدة منهم تقلي إني أقرب صحبة ليها بس هما من النوع الهاديين زيي..و يقولولي إني مررررة طيبة بس في البيت يقولولي العكس :(

بس والله أنا مرة تعبت..أحس إني مهمشة دايما..و ماما تعاملني غير عن الباقيين و بابا سار يشوفني سوسة من جد موعارفة ايش أسوي

أوقات أتناسى دا كلو و أعيش حياتي طبيعي أضحك مرة و ابكي مرة..بس أوقات أحس إني خلاص ابغى أموت من القهر

أنصحوني قولولي أيي شي والله محتاجتكم

آآآسفة على الإطالة

شوفي ست البنات
أنا أم لبنتين و ولد
واحب اقولك ان مهما الأم قالت اشياء تضايق اولادها هي تريدهم احسن ناس
انصحك تتوددي لأمك
تخيري وقت مناسب في يوم لا تكون هي متعبة فيه
ساعديها في شغل البيت
عبري عن حبك لها
كل ما في نفسك من ضيق اكتبيه في جواب و اعطيه لها تقرأه و انتبهي لاختيار الوقت المناسب
تذكري ابنتي ان الله عز وجل دائما يوصي الأبناء ببر الوالدين و لم يوصي الوالدين لان الاهتمام بالأبناء شئ فطري
ابنتي انت لا تعلمي مقدار غلاوتكم عندنا قد ايه و اكيد والدتك كذلك

انتي بس خليكي واثقة من حالك و شوي شوي بتقوى ثقتك بنفسك و خليكي عارفه انه كيف انتي شايفه حالك الناس اللي حوليكي بشوفوكي يعني اذا انتي شفتي حالك قوية الناس رح تلاحظ انك قوية و اذا انتي شفتي نفسي ضعيفة او ما بتفهمي كتير او او .. الناس رح تلاحظ هذا الشي حتى لو ما حكيتي عنه ! لانه الواحد كيف بيفكر عن نفسه بيتصرف !! فهمتيني !
المهم قوي نفسك بالقراءة وبلعي الرياضة برشاقتك بجمالك وبعلاقتك مع ربنا خليكي قوية و شو يعني لما تنزل اختك عل السوبر ماركت بالعكس احسن انتي خليكي بالبيت مدللة هيك خديها عرفتي !؟
ما تتخانقي مع اختك الاصغر لانك هيك بتصغري من حالك (عمراً انا قصدي) لا خليكي انتي الكبيرة و دائماً الكبير هو اللي بيتبهدل حتى الصغير غلطان (اسأليني انا
ههههههه انا الصغيرة )

دائماً دائماً اتطلعي على الاشياء الحلوة في الحياة ما اتحاول اتجيبي المساوء او السيئات على بالك لا بالعكس احمدي ربك انك انتي هادية زي ما بتحكي بكرة ان شاء الله لما تتجوزي رح تستفيدي من هاي الميزة ..(برضه اسأليني انا هههههه لاني عصبية زي ماتمتك) .
كمان ما عمرك ترفعي صوتك على امك لو شو ما عملت صدقيني بعد التجربة الأم ما بتتعوض ولو يرجع الزمن الواحد مش بس بيبوس ايديها لا بيخلها ملكة في البيت بيرحها و بيسعدها ..
اكيد مامتك في شي بيكون مضايقها او حتى معصبها يمكن مضايقة او متخانقة مع ابوكي وما بتحكيلك .

خبريني ايش بيصير معاكي ...