رجيم الاناناس والكيوي

السلام عليكم
تكفون ابي اعرف مين جرب رجيم الاناناس والكيوي؟
اللي يعتمد على عصير الاناناس والكيوي

بليز ابي بس اللي جربت تقولي كم نزلت في اسبوع؟
انا مره محتاجه انزل بسرعه لاني بسافر بعد 3 اسابيع تقريبا واخاف انزل بسرعه وارجع دبل
واللي سوت هالرجيم هل رجع وزنها بعد الرجيم
تكفووووووووووووووووووووون
الله يوفقها ويدخلها الجنه اللي بترد علي

هلا حبيبة

في وصفة اعرفها وهي فيها اناناس و كيوي وليمون وموية تخلطينهم مع بعض بالخلاط
وتشربينهم قبل كل وجبة ,,, انتي تككي عن هذه الطريقة؟

او

عن ريجيم لا يحتوي الا على الريجيم والأنانس؟

هلا حبيبتي
انا اقصد هذا الرجيم

الريجيم يعتمد على عصير الاناناس والكيوي في حرق الدهون
وطريقة العصير كالتالي :
كاس عصير اناناس بدون سكر او مواد حافظه( اللي اعرفه سيزر وندى ويقولون فيه انواع كثيره المهم بدون سكرررر)
حبتين كيوي مقشره ومقطعة
عصير ليمونه (وممكن يحذف )
وبالخلاط لحد مايختلطو مع بعض
(( العصير يؤخذ بدل وجبة العشاء في كل الايااااام ))
والنظام للفطور والغداء كالتاااالي :
اليوم الاول والثاني :الفطور : نص تفاحه + قهوة او نسكافيه او لاتيه بدون حليب او سكر (وممكن سكر ريجيم )
الغداء :تفاحتين
العشاء >> مثل ماقلنا بالاول عصير الاناااناس والكيوي
اليوم الثالث والرابع :
الفطور: نص علبة زبادي +قهوة او نسكافيه او لاتيه بدون حليب او سكر (وممكن سكر ريجيم )
الغداء : علبة ونص زبادي
العشاء >> مثل ماقلنا بالاول عصير الاناااناس والكيوي
اليوم الخامس والسادس :
الفطور : قهوة او نسكافيه او لاتيه بدون حليب او سكر (وممكن سكر ريجيم )
الغداء : خس بأي كمية
العشاء >> مثل ماقلنا بالاول عصير الاناااناس والكيوي
اليوم السابع والثامن:
الفطور :قهوة او نسكافيه او لاتيه بدون حليب او سكر (وممكن سكر ريجيم )
الغداء : 2 صدر دجاج او نفس الكمية لحم (مسلوق او مشوي بدون جلد او زيت)
العشاء >> مثل ماقلنا بالاول عصير الاناااناس والكيوي


(فيه وحده سوتها ونزلت 12 كيلو خلال 8 ايام مع رياضه ) بس مومشكله لو انزل 7 او 6 كيلو او حتى 5 خير ونعمه

بس انا خايفه انو اذا بطلته ارجع نفس الاول وزياده بعد
لاني بسافر انا ان شاء الله واكيد راح يتغير نظام الاكل بس بحاول اخفف
اخاف انو مع التخفيف كمان يرجع دبل
وشكرااااااا

ايه عرفته

حبيبتي هذا ريجيم كميائي
ومايوفرلك الأحتياج اليومي من العناصر الغذائية

صح ببادئ الأمر تفرحين وتنقصين كم كيلو

بس النقص مابيكون بالدهون
النقص يكون بالعضلات
وبعد اسبوعين من تطبيقه بيثبت وزنك وماعاد تقدري تنقصي اي وزن

ولو رجعتي لعدات الأكل الأولى بترجعي الوزن اللي ضيعتيه واكثر بعد

معروف ان اللي ينص بالسريع يرجع بالسريع

نصيحتي لك غيري نظامك حبيبة
واختاري نظام متوازن يحتوي على كل العناصر الغذائية من الأحتياج اليومي

حتى لا يرجع بسهولة ولا ترهقي بشرتك ولايصيرلك فقر دم او سقوط شعر

اتمنالك التوفيق حبيبة
واسفة اذا كنت قاسية بنصيحتي,,,بس من خوفي عليك آبي افيدك بالخير

مودتي

مشكوووووووووووووووووووره حبيبتي عالنصيحه
وجزيتي خيرا

بس انا مشكلتي لازم ضروري انحف قبل الاجازه ياربي

بس انا اسوي رياضه معاها يعني كيف يصير النقص بالعضلات

عالعموم مررررررره مشكوره ويعطيك العافيه

حبيبتي
العضلات على شنو بتتغذى مادام مافي اكل؟
والمعروف ان العضلات اساس بنائها البروتينات
وهذا النظام فقير البروتينات

حبيبة عندي ليك نظام ان شاء الله يفيدك
وانا الحين مسويته من اسبوع والله وزني نقص 3 كيلو و نص بدون اي جوع

ومن سنتين سويته ونقصت 6 كيلو بأسبوعين و ما رجعتهم للحين

اذا تبين النظام انا ماعندي مانع...