ايه رأيكم نتكلم عن مرض العصر(الحسد)

مجتمع رجيم / مقهى وردات رجيم
كتبت : جوجو 2008
-
السلام عليكم ورحمه الله

فعلا اصبح الحسد أو الخوف من الحسد هاجس مرضي لدي الجميع
لكن ما هو حل الحسد انا اجد بعض الناس لا يتحدثون الا بالشكوي لا ينطق لسانهم بغيرها
خوفا من الحسد كما انهم يكذبون في اشياء واضحه وظاهره للجميع
واجدهم اكتر من يصيبهم المكروه
فهل حقا هذا هو الحل ام التحصن بالاذكار
لم يذكر في القرأن او السنه اننا نكذب لنتقي شر الحسد
لكن جاء وأما بنعمه ربك فحدث
طبعا ممكن اننا نتكتم علي امورنا لكن اعتقد ان الله لن يوفقنا اذا كذبنا
فما رأيكم انتم بالموضوعالعصر(الحسد) smile24.gif
كتبت : *دعاء الكروان*
-
موضوع راااائع يا جوجو
وفعلا فى مواقف كتير بتقابل الواحد
وتحسى ان خلاص الناس بقى عندها هاجس اسمه الحسد
وانا طبعا متفقة معاك ان الكذب مش هو الحل
لان كل حاجة واضحة وكيد الكذب ملوش رجلين
وانا معاك ان الافضل ان الواحد يتحصن بالقرآن والادعية
وحديث الرسول صلى الله عليه وسلم( واستعينوا على قضاء حوائجكم بالكتمان)

كتبت : قلب المنتدى
-
موضوعك مهم جدا تسلمى حبيبتى على طرحه
تعرفى أنا بعانى من موضوع الحسد دا بشكل واضح جدا والله مش بيتهيأهلى ولا مزوداها ولا حاجة عارفة لدرجة أن واحدة من ضمن اللى بيحسدوا جات قالتلى بنفسها أن جوزها واهله بيقولها أنتى بتحسديها فى كل حاجة من كتر ماهى بتكلم فى كل حاجة عليه حتى ولادى والله ماسيباهم فى حالهم بس طبعا الحل زى ما قلتى التحصصصصصصصصصصصن بالاذكار والرقية الشرعية والتوكل على الله وهو دا اللى انا بعمله بس طبعا موضوع الكذب دا مرفوض لان النبى صلى الله عليه وسلم أدانا الحل {أستعينوا على قضاء حوائجكم بالكتمان فان كل ذى نعمه محسود }
وربنا يهدى النفوس
كتبت : رقة زمان
-
و الله موضوع رائع حبيبتى
فعلا الحسد بقى مرض العصر
للاسف محدش سيب حد فى حالة
و انا مع قلب المنتدى حبيبتى ان الكذب مش صح و التحصن اهم شئ
بس انا ليا رائ و هو ان من الافضل ان الواحد يحاول ميتكلمش عن حاجتة و ذى ما النبى (ص) قال قوموا قضاء حوائجكم بالسر و الكتمان و ان الافضل ان الواحد يدارى ذى المثل الشعبى اللى بيقول دارى على شمعتك تقيد و امى دايما كانت بتقول كدة
و ربنا يضرفعنا عيين الحاسدين و حقد الحاقديين
سلمتى حبيبتى على موضوعك الهادف
كتبت : جوجو 2008
-
السلام عليكم ورحمه الله
نورتوا موضوعي دعاء وقلب ورقه
طبعا احنا نتكتم علي امورنا لكن برضه لازم نحمد ربنا علي نعمه
لكن هناك ناس لا نجد علي لسانهم غير الشكوي خوفا من الحسد
فلماذا لا يحمدون الله فقط وللاسف هؤلاء الناس هما اكثر من يحسد غيرهم
سبحان الله
كتبت : قلب المنتدى
-
فعلا حبيبتى انا بأيد رأيك فى ناس هما طبعهم كده أصلا بيحبوا الشكوى سبحان الله والدافع خايفين من الحسد لا طبعا لازم يكون فى حمد لله على نعمه ولازم يكون فى كتمان فى بعض الامور

التالي

خلونا نذكر ايامنا الحلوه !!!!!!!

السابق

مواقف حدثت مع العضوات

كلمات ذات علاقة
مرض , العصرالحسد , ايه , رأيكم , عن , نتكلم