موسكوتشو خفيف من عند اميرة
مجتمع رجيم / ركن الحلويات
كتبت :
اميرة حلوة
-
هلا حبيباتي القمرات
عندي بزاف بزاف غايبة عالمنتدى......والحمد لله راني رجعت و مستعدة للتواصل في المنتدى ان شاء الله
اليوم جبتلكم كيكة الموسكوتشو نسموها في الجزائر هي خفيفة و سريعة التحضير....نحضروها لما نعلم بقدوم ضيوف بدون سابق انذار هههههههههههههه
في الوصفة التقليدية نخلط السكر و البيض جيدا و نضيف عليهم الزيت والفرينة و الخميرة ونحطهم في الصينية اللي فيها ثقب
ومقاديرها كل بيضة تقابلها ملعقة كبيرة ونصف سكر و مثلها فرينة وملعقة كبيرة زيت اما الخميرة الكيميائية فهي على حساب الكمية كيس لاربعة بيضات و هكذا........
اما اليوم عملت موسكوتشو عصري هههههههههههههههه
استعملت8بيضات لصينية الثقب لكن من الاحسن تكون الكبيرة حتى الكيكة ماتفوتش حجم الصينية وتتدفق و اذا الصينية صغيرة اعملي 6فقط مع مراعاة تقسيم باقي المقادير
المهم العجينة عند صبها في الصينية ماتفوتش فوق نصف الصينية لانها راح تخمر
8بيضات
كاس سكر ناعم
كاس زيت
ملعقة صغيرة فانيلا
ملعقة قشور ليمون تعطيه نكهة تجنن
2 كاس فرينة منخولة
كيسين خميرة كيميائية
وللتزييين اذا حبيتي مربى و جوز هند اما في الاصل شكلو فيجي رائع و شهي بلا تغطية
في الاول نفصل البياض عالصفار و نخفق البياض كالثلج مع شوي سكر -----ماخوذ من الكاس-----
ونخفق الصفار مع باقي السكر مع الفانيلا و قشور الليمون
ثم نضيف الزيت ونخفق
والان في طريقتين
تحبي تضيفي الفرينة و الخميرة لمزيج الصفار ثم تضيفي بلطف البياض
او تضيفي البياض للمزيج بلطف ثم تضيفي الفرينة و الخميرة بالملعقة شوية شوية مع التقليب بلطف وهذه الطريقة اسهل لان لما نضيف الفرينة لمزيج الصفار يتكون لنا خليط متماسك و صعب نمزج معه البياض بلطف
المهم النتيجة وحدة و الخليط الناتج يجيك اسفنجي
تدهني الصينية بالزبدة و ترشي فيه شوية فرينة وتصبي الخليط للمنتصف
ودخليه في فرن متوسط لان لازم العجينة تخمر على اكثر من مهلها حتى ماتتحصليش على كتلة معجنة في الداخل على العكس لازم تكون الكيكة اسفنجية
استنى ردودكم يا حلوييييييييييييييييين