بنات بليز .... الي عندها معلومات أو تجربة تفيدني بخصوص

صباحكم _مساكم معطر بالصلاة عالنبي


ياجماعة الخير بتشكر كل الفراشات عالمعلومات القيمة والجمة بيفيدونا فيها هون بهالمنتدى وربي يجزيكم كل خير ويجعلها في ميزان حسناتكم. طبعا أنا مشاركة من زمان بالمنتدى بس للأسف ما عندي مشاركات كتير كوني كنت ملتهية ع طول بقسم الريجيم وبالأخير ولله الحمد وصلت للوزن المثالي الي بحلم فيه


الله يحقق مرادكم حميعا ,, وربي تستاهلون كل خير


ما بتتصوروا قديش استفدت من المنتدى هاد وقديش طور بشخصيتي


ما علينا .... بعد الريجيم ضعف وجهي كتير ( من وزن 105 الى 57 كغ ) خلال سنة كاملة
الحمد لله واظبت على شوية رياضة لتجنب الترهل الشديد بالجسم , بس وجهي ما عرفت شو ساوي بخصوصه , كان بدي شي يخليه مليان ومستدير متل ما كان





لهيك يا أمورات قلت لحالي مالي غيركم متل العادة مرجوعي دائما الكم ولخبراتكم المذهلة


ما عرفت بالضبط وين بيندرج تساؤلي هاد وبأي قسم بس حطيتها هون مبدئيا

شكري مقدما ودائما لكل البنوتات , وبانتظار حدا يفيدني

الف مبروك حبيبتي نزول الوزن
بالنسبه لوجهك انا بنصحك بالتدليك لشد العضلات وكمان اعملي حركات شد واسترخاء الوجه
ومرري عليه مكعبات ثلج
وان شاء الله البنات بفيدوك اكتر

و شكرا كتير نهلة وشكر خاص عالنقل و اللهيبارك فيكي وعقبال كل مين يحقق أحلامه

حبيبتي جظاك الله كل خير عالنصيحة وأنا عم بتبع الخطوات الي تفضلتي فيها من زمان والحمد لله ما عندي تجاعيد أو ترهل زياده بوجهي بس وجناتي ما عادوا متل الأول بارزين ووجهي ما عاد مدور يعني ترسيمة وجهي صايرة بالطول وكان بدي شي يعبيه ويمليه


مرة قريت عن الكولاجين بس ما بعرف شو رأيكم فيه ومكا بعرف اذا في شي تاني كريم او اي شي طبيعي ممكن يفيدني


وربي يعطيكم كل عافية

معقووووووووووووووووووول مافي ردود

الله يسامحكم