المحاجب من المطبخ الجزائري
مجتمع رجيم / المعجنات وَ السندويشات
كتبت :
اميرة حلوة
-
هذه من اجمل الوصفات في المطبخ الجزائري الكل الكل يحبوها صغار و كبار
هي وصفة شعبية تحضر في البيوت و حتى في محلات الوجبات السريعة
المهم اساس الوصفة مقادير بسيطة
للعجينة سميد و ملح و ماء للعجن
والحشوة بصل وطماطم وملح و فلفل اسود
اما تاع اليوم ففيها شوية تغييرات عصرية هههههههههههههه
للعجينة استعملت سميد من النوع الناعم يعني لا متوسط لا خشن
شوية فرينة لتسهيل بسط العجينة نسموها في الجزائر تعطينا العلك
ملح و ماء للعجن
في الاول نخلط النواشف و نسقي بالماء بالشوية و نعجنو ونضيفو الماء و نعجنو.....هالعجينة تحب الدلك حتى تجينا ساهلة في البسط
كي تحسيها اصبحت طرية جيدا صبي شوية زيت في على طاولة العمل او في القصعة.....نوع من الاواني الكبيرة لعجن الخبز.....
وحاولي دخلي الزيت في العجينة بالدلك وذلك بش ماتلتصقش العجينة بالطاولة او بيدك
الان ادهني ايدك بشوية زيت و اقطعي العجينة كرات صغيرة كيما شفنا في الفطير المصري
ادهنيهم بشوية زيت حتى ماتجفش الطبقة العليا للعجينة و غطيهم ببلاستيك وخليهم يرتاحو لانو العجينة الناجحة هي العجينة اللي اخذت وقتها في الراحة.....حكمة الشيف اميرة ههههههه....
نجو للحشوة
نحتاج بصل وراح نقطعو صغير
طماطم وراح نبشروها
لحم مرحي
فلفل اخضر حار وراح نقطعو مربعات
جبن ابيض و راح نقطعو صغير
واذا حبيتو زيتون اخضر منزوع النواة مقطع
شوفو تناسق الالوان احم احم
في الاول نحتاج كسرول ونحط فيها شوية زيت ونحط البصل يتقلى ونضيفلو شوية ملح
نضيفلو الان اللحم المفروم فلفل اسود وشوية شوية شوية قرفة مرحية للحم....نخلوهم شوية
نضيفولهم الفلفل المقطع و الطماطم المبشورة و ملعقة صغيرة معجون الطماطم
نغطو الكسرول ونخلوهم يطهو
كي تشوفي تشكل طبقة الزيت على السطح في الكسرول معناه انو الخلطة العجيبة جاهزة
نروحو الان للتحضير
انصحك بالجلوس اثناء هذه العملية لانها راح تاخذلك شوية وقت و الوقوف الكثير مضر بصحة المراة يعني اي عمل نقدرو نقومو بيه على طاولة من الافضل ان نجلس.....نصيحة الطبيبة اميرة ههههههه.....
راح تحتاجي صينية تدهنيها بشوية زيت و تبداي في بسط العجينة كيما الفطير ونشد الاطراف الى الجوانب حتى نزيد مساحة الورقة
راح تطوي الجوانب الى الوسط كما في الصور
ثم تحطي الحشوة في الوسط قطع الجبن و حاولي ماتوصليش الحشوة للاطراف بالعرض يعني استعلي الطول
ثم غطي بالجوانب اللي تبقو
الان روحي الى الجوانب المفتوحين يعني اللي عالجهتين و اضغطي بالاصابع بحيث انك تغلقي الجوانب لعدم خروج الحشوة
تكوني مسخنة المقلاة وداهنتها بالزيت و ارفعي المحاجب من احد الجوانب المضغوطة بالاصايع وجطيها بهدوووووووووووووء في المقلاة
واطهيها على نار هادئة من الجهتين
وشوفو النتيجة و شوفو الديكور احم احم احم
سؤال؟؟؟؟؟؟
لماذا لم اضع الحشوة مباشرة على ورقة العجينة المبسوطة بدون ما اطوي الاطراف الى الوسط؟؟؟؟؟؟
الجواب ......
الحشوة مش جافة يعني فيها شوية صلصة سائلة شوية فقط ناتجة عالطماطم واذا سوف تخترق بسهولة ورقة العجينة لانها رفييييييييييييييييييييعة لذلك نحتاج الى سمك كي نحفظ الصلصة
عموما كل واحد وطريقتو انا هالطريقة ناجحة معايا ومع عائلتي ايضا
شكرا على حسن الاصغاء و المتابعة و الانتباه.....زي تاع نشرة الاخبار ههههههههه
مع تحياتي
اميره وين سيليكتو 
