اسهل و اسرع طريقة للرز باللبن و المهلبية

الرز باللبن المصرى اللذيذ الكمية دى طبعا ممكن تضاعفيها حسب افراد اسرتك تنعى كوب صغير ارز فى كوب لبن لمدة ساعتين ده طبعا بعد ما تكونى غسلتى الرز كويس...

مجتمع رجيم / قسم الموضوعات المنقولة
azmiralda000
اخر تحديث
اسهل و اسرع طريقة للرز باللبن و المهلبية

الرز باللبن المصرى اللذيذ

الكمية دى طبعا ممكن تضاعفيها حسب افراد اسرتك
تنعى كوب صغير ارز فى كوب لبن لمدة ساعتين ده طبعا بعد ما تكونى غسلتى الرز كويس اوى
و بعدين تحطى الرز فى حله و معاه كوب لبن على نار هادية لغاية مايستوى الرز و بعدين تضيفى عليه لتر لبن حليب و كوب كبير سكر و نص معلقة صغيرة فانيليا و اثناء ما هما على النار تضربى فى الخلاط 4 ملاعق كبيرة نشا مع ربع كوب ماء او لبن و اول ما اللبن اللى على النار يغلى توطى النار و تصبى اللى فى الخلاط بالراحة و تقلبى و فى اقل من 3 دقايق هيكون جاهز معاكى اسهل و اسرع رز باللبن ان شاء الله و طبعا تحطيه فى اطباق او كبايات و تسيبيه يبرد شوية و بعدين تدخليه التلاجة



المهلبية

المهلبية هى نفس طريقة و مقادير الرز باللبن بس من غير رز
و ممكن تزودى معاها معلقتين كبار كاكاو سادة المر و تبقى مهلبية شوكولاته تحفة الاطفال هيحبوها اوى ان شاء الله

ملاحظات

ممكن بدل اللبن الحليب تستخدمى لبن بودرة فى الوصفات دى كلها انا بستخدم معلقة كبيرة لكل كوب ماء يعنى 4 ملاعق للتر
بضرب النيدو مع الماء كمان فى الخلاط عشان يدوب كويس
و فى مهلبية الشيكولاته بضرب معاهم كمان الكاكاو فى الخلاط
الاسرع بقى لو عندك غلاية الماء الكهربائية
يبقى هتسخنى الماء و تحطيه على النار و تاخديه شوية صغيرين تضربيهم فى الخلاط مع ... النيدو ... النشا ... الكاكاو حسب كل وصفة


لو جربتو وصفات و نجحت ادعولى و ردوا عليا

honey
شكرا ازميرالدا
تسلم يديكي الحلوة..
و بانتظار المزيد من وصفاتك اللذيذة يا قمر...
الرز بحليب أعمله من غير نشا بس بخليه مدة طويلة على النار..

البندري
يسلموووووووووو
زوجي يحب المهلبة وان شاء الله
اعملها وادعيلك
سكون
تسلمي حبيبة قلبي
وصفة حلوة و رائعة
azmiralda000
بالهنا و الشفا
سمرا مصر
تسلم الايادى
الصفحات 1 2 

التالي

بسكويت البطاطس

السابق

جربتها واعجبتني وجربوها تراها لذيذه

كلمات ذات علاقة
للرز , المهلبية , ازرع , اسهل , باللبن , طريقة