مجتمع رجيمأرشيف رجيم

الفتة المصرية

المقادير:


ربع كيلو لحم (يفضل لحم غنم أو ضأن)
كوب و نص رز مصرى
بصلة صغيرة مقشرة
3 فصوص حبهان
ورق لورى (اختيارى)
ملح
فلفل اسود
صلصة طماطم
5 فصوص ثوم مفروم
4 ملاعق كبيرة خل
2 معلقة كبيرة زيت او سمن
رغيف عيش مصرى بالردة



الطريقة:



اولا نقطع اللحم و نغسله و نحطه فى حلة مع الحبهان و البصلة وورق اللورى و فلفل اسود و لتر ماء و نسيبه على نار لغاية مايغلى
نشيل الزفرة اللى على الوش و نحط الملح و نوطى النار شوية
نقطع رغيف العيش قطع صغيرة فى حجم اللقمة كده و نحطه فى صينية و نحطه فى الفرن كل و شوية نشوفه لغاية ما يتحمص بس ما يتحرقش طبعا
نعمل الصلصة بالطريقة العادية سواء كانت صلصة طماطم او معجون طماطم يعنى نحطها على نار و معا زيت و ملح و فلفل لغاية ما تغلى و نوطى عليها
نغسل الرز و نحط معلقة السمن او الزيت فى الحلة على النار و نقلبه مع الرز دقيقتين و نضيف عليه كوب من شوربة اللحم و نزود الباقى ماء لو محتاج و نظبط الملح
نحط التوم المفروم فى قلاية و معاه معلقة سمن و نقلبه على النار شوية بس من غير ما يسود و بعدين نحط عليه الخل و نطفى النار
ناخد معلقتين من الخل بالتوم نحطهم على العيش و نقلبه مع بعض و باقى الخل بالتوم نحطه على الصلصة


التقديم :


ناخد العيش المحمص و يفضل نحطه فى صينية او طبق عميق
نحط عليه حواى تلت كوب من مرقة اللحم و نسيبه شوية يشربها
نحط عليه الارز و بعدين نحط عليهم صلصة و نحط قطع اللحم على الوش و بالهنا و الشفا



ممكن كمان ناخد من مرقة اللحم نعمل شوربة لسان عصفور او شعرية

نسيت اقول ان المقادير لشخصين و زودى حسب عدد افراد اسرتك
تجنن انا بحبها اووووى بس مش باكل منها كتييير وكنت عملاها الجمعه ايلى فاتت تسلم ايدك
تسلم ايدك على الاكله الجميله
الله يسلمكو و شكرا على الرد و التشجيع
السلام عليكم
فته جميله جدا وانا بحبها جدا
لاكن بعملها مع الكوارع بتكون جميله جدا
مشكوه كتير يااختى[C[/CENTER][/CENTER
بسم الله الرحمن الرحيم


ممكن كمان نحمر العيش في معلقة سمنه علي نار هادئه مع التقليب المستمر طعمه بيبقي جميل جدا

وكمان العيش منسبهوش يشرب الشوربه قوي لانه بيبقي طري جدا وكل ما كان ناشف شويه بيبقي اطعم

وبالهنا والشفا
1 2 
كلمات ذات علاقة
المصرية , الفتة