مجتمع رجيمالمكياج و العناية بالجسم و الشعر والعطور

سر بيـــــــــــاض صديقتي ؟؟؟؟؟؟ ماراح تصدقون

سر بياض صديقتي ماراح تصدقون

بدخل بسالفه ؟؟؟؟؟؟


بنت جيرانا كانت سمرا ملامحها مو حلوه يعني بس مو جذابه ........


وكانت تدرس معي ايام الثانويه ......... المهم بعد سنه جديده الا و البنت متغيره



صارت تجنن وبيضآء على وردي بياضها جنان ........ وشعرها حلو وكثير وطويل بعد ..

ماشاء الله عليها ............ تخيلو قبل ماكانت حلوه .......وربي كأنها مسويه عملية تجميل ..........

المهم جاء وقت الطلعه وكانت راكبه معي بالباص قالو صديقاتي اسأليها وش اللي مغيرها تمونين انتي عليها لأنها بنت جيرانكم

سألتها ........... قالت ولا شي ماسويت شي بس آكل قلت حنا بعد ناكل اول وحده تقلط على الاكل واخر وحده تقوم ولاصرت مثلك ماشاء الله

ما رضيت تقولي مدري ليش يادفع البلاء خايفه ناكلها ........ المهم


بعد ماتخرجت من الثانويه .......... صارت حفله وجت وهي وخواتها الا اختها اللي اصغر هم انقلبت بيضاء مثلها وهم كانو سمر ............ وبعد سنه الا اختها الثالثه صارت مثلهم


ياربي وش الي يقلبهم بيض وحلوات وربي جنان كل ماوحده تكبر وتبلغ تصير مثلهم

الا مره تقابلنا بعرس وجلست اسولف معاهم الكبيره ماعلمتني وش الي قلبها كذا بس سألت اختها الي اصغر منها بالعرس وقلت لها وش الي قلبكم كذا حلوات

تدرون وش قالت لو اقولكم ماتصدقون


قالت ........... الحلبه

قلت الحلبه وع ............ قلت الحلبه ماغيره..
هي الي قلبتنا كذا كل صبح نشربها مع الحليب لنا تقريبا اكثر من سنه وحنا عليها ...............

المهم طرة طيران وقلت لي امي اشري لي حلبه بشربها .......


امي قالت بسئل حرمه تعالج اخاف الحلبه تخرب البنت ومن هالكلام ........

جراتنا الثانيه معالجه تعالج .......... راحت لها امي وقالت لها بنتي تبيي تشرب الحلبه

انها تبيض ومن هالكلام بس خفت عليها تخربها هي تخرب الحلبه قالت الحرمه لا ماتخرب الحلبه الحلبه زينه

انا اشرب بنات حلبه كل صبح ولا وقت المغرب براد حليب وحلبه

عاد بناتها ماشالله وربي والي خلقني كلن تقول البياض عندي ............ وجسامهم وحده نفس الجسم هم ثمان بنات .......... بياض وشعر طويل فوق الركبه بشوي وكثير قسم بالله والي خلقني من زود بياضهن وطول شعورهن وجمالهن حتى ال سعود يخطبونهن

عاد امهن تقول لي امي لولا الحلبه ماشفتي بناتي كذا ............

عاد تقول انا قلت لي فلانه تشرب بناتها حلبه الي هي ام بنت جارتنا الي اترجاها تعلمنيني وش سر انقلابها

وامي من درة ان الحلبه تسوي كذا على طول من الحرمه الين العطار تجيب حلبه

داخله علي بكيس وش كبره من الحلبه


انا لي اسبوعين وانا اشربها كل صبح ولا وقت المغرب حليب بحلبه


وربي احس شعري خف التساقط واحس طلع لي اخدود ........... انا بيضه بس احس فتحت شوي عن بياضي الي قبلي ابستمر عليه ماني تاركته

تقولون في ريحه وربي مافي ريحه الي تنظف كل يوم وتعطر بعطور مركزه .......... اما الي ماتنظف وتقول في ريحه مالومها يوم تقول


السمنه ماشفتها سمنتني بس الي تبي تشربها وتخاف على انها تسمن تسوي حمام سونا كل اسبوع وماتسمن


والي ماهي مصدقتني تروح لي حرمه تعالج وتسالها عن الحلبه

اكثر الخلطات فيها حلبه


عاد انا سويت بحث في قوقل عن فوائد الحلبه وربي طلع فوائدها جنان


سبحان الله ماينمت شي في ارضه الا وفيه فايده



وبس انتهى سالفتي

للأمانه منقول مع شوي تعديلات لأن الموضوع كله أخطاء املائيه

انتظر ردودكم يالغوالي
ماشاء الله روعه موضوعك

بارك الله فيك

ومشكوره يالغلا

دمتي بحفظ الرحمن ورعايته
مرحبا فيك حبيبتي (أخر طراز الشموخ المملكي )
مشكورهـ يالـ غ ـلا على المرور
تقبلي ودي
صصصراحه شي .. يعني يصير نششربها مع شاي او حليب ولا بس ماي حار وحلبة ..

ومتي نششربها وجم مرة بالييوم

ويافديتج ماقصصرتي
مرحبا فيك حبيبتي REeeEM
احلى شي اشربيها مع الحليب
مره أشربيها الصباح ومره بعد المغرب(يعني مرتين باليوم)
والله ياما بنات كثييير تغيرو مع الحلبه
مشكوره يالغلا على المرور
تقبلي ودي
جربتها بصرررراحه مررره بس شررربت منها كاس واحد وما قدرررت اشرررب منها مررره ثانيه طعمها


مش حلوووو بحاووول من جديد انى اشرب منها والله يعطيك العافيه على المعلووومه
1 2  3  4  5  ... الأخيرة