غاليتي رندودة ..
شكرا لك على هذه المساحة التي اتحتيها لنا كي نعبر فيه عن موقفنا مما يحدث في مصر
اضم صوتي اليك .. يكفي ما يحدث الان في ميدان التحرير من مجازر ... المفروض يغيروا اسمه الى ميدان التدمير ...
دلوقت وانا بكتب ذاع التلفزيون المصري خبر عن منع وزراء الداخلية والاسكان والسياحة السابقين من السفر بالاضافة الى احمد عز رجل الاعمال الشهير وامين لجنة السياسات بالحزب الوطني وتجميد ارصدتهم في البنوك ...
بجد انا بكتب وانا كل جسمي بيرتعش .. وماسكة دومي بالعافية ..
نفسي يجي بكرة الاقي كل حاجة رجعت طبيعية .. الشوارع بقت فاضية وهادية وامان ..
مافيش مظاهرات .. ومافيش تخريب ..
نفسي اطمن على اهلي في مصر ..
وعلى مستقبل بناتي ..
كل الشباب اللي رافضين تهدئة الاوضاع والصبر حتى نهاية مدة الرئاسة واخدهم التيار . مافيش حد فيهم عنده احساس باي مسئولية ..
لو عندهم قدر ولو ضئيل من الاحساس بالمسئولية تجاه وطنه واولاده وتاريخ الاف السنين مش هيعاند وهيفكر الف مرة قبل ما يقدم على اي خطوة فيها ضرر ببلده ..
نعم .. عهد مبارك مليئ بالاخطاء .. لا احد ينكر ..
ولكن بالعقل اخطاء 30 سنة تتحل في يوم او اتنين .. ازااااي ؟؟
دي محتاجة 30 سنة كمان او اكتر عشان تتحل ..
واللي بيحصل في مصر ده محتاج ل30 سنة كمان عشان مصر ترجع زي ما كانت
عارفين انا من شويه وانا بفكر في حال مصر امبارح والنهاردة والكلام الحقير اللي بنسمعه من امريكا والتدخل الغير مرحب بيه في شئونا الداخلية .. قلت لنفسي يعني هو ايه السبب اللي يخللي امريكا تقف ضد مبارك بعد ما كانوا واقفين في صفه ..
قلت دلوقت وعلى مدار عشر ايام فقط ارتفعت اسعار البترول كثيرا .. يبقى ده غرض اقتصادي ..
وعلى مدار 8 ايام ظهرت مصر دولة متقدمة متحضرة يرفع فيها الشباب مطالبهم بمنتهى الهدوء والاحترام حتى عندما هاجمتهم جحافل من افراد الشرطة الفاسدين وقفوا وصمدوا ..
ايه اللي حصل بقى امبارح والنهاردة .. قبضوا على مجموعة من الاجانب وعندي تصوير على صفحتي على الفيس بوك بالقبض على جاسوس اسرائيلي في السويس ..
الاجانب دول كانوا مندسين بين المتظاهرين يحاولون شحنهم ضد الحكومة ..
بالاضافة الى المخربين اللي ظهروا امبارح وظهر انه تابعين للفاسدين في الدولة ايا كانوا بصفتهم او اشخاصهم ..
طولت عليكم بس انا مشاعر مشحونة جدا .. خاصة اني بعيد عن مصر ..
شكرا لك رندودة مرة تانية
دمت بود