الاطباق المتنوعة (يُمنع المنقول) السلطات، المقبلات، اطباق رئيسية، شوربات ، أطباق مصورة

الفتة الفلسطينية

azmiralda000
وردة فعالة
قديم 11-04-2007, 01:05 AM
#1
انا كنت كتبتلكم قبل كده طريقة الفتة المصرية عشان انا مصرية
النهاردة بقى ان شاء الله هكتبلكم طريقة الفتة الفلسطينية لأن جوزى فلسطينى و طبعا كان لازم اتعلم من حماتى الاكلات الفلسطينية اللى هو بيحبها


المقادير:

فراخ أو اللحمة
رز مصرى (ممكن بسمتى)
بصلة صغيرة مقشرة
3 فصوص حبهان
ورق لورى (اختيارى)
ملح
فلفل اسود
4 ملاعق كبيرة زيت للقلى
3 فصوص ثوم
4 او 5 حبات فلفل أخضر طويل (حامى)
عصير 5 ليمونات صغيرة او 2 من الليمون الكبير
خبز الرقاق الابيض
لوز مقشر
كاجو(اختيارى)

على فكرة طبعا كمية اللحمة او الفراخ او الرز حسب عدد افراد اسرتك


الطريقة:


اولا نقطع اللحم او الفراخ و نغسله و نحطه فى حلة مع الحبهان و البصلة وورق اللورى و فلفل اسود و لتر ماء و نسيبه على نار لغاية مايغلى
نشيل الزفرة اللى على الوش و نحط الملح و نوطى النار شوية

نغسل الرز و نحط معلقة السمن او الزيت فى الحلة على النار و نقلبه مع الرز دقيقتين و نضيف عليه كوب من شوربة اللحم و نزود الباقى ماء لو محتاج و نظبط الملح
نحمر الكاجو و اللوز فى الزيت و نطلعه على مناديل
نضع التوم و الفلفل الاخضر و عصير الليمون و ملح فى القطعة اللى مع الخلاط اللى بتفرم او فى الخلاط نفسه (دى اسمها الدقة)


التقديم:


نقطع الرقاق قطع صغيرة و نحطه فى صينية التقديم
نحط عليه حواى تلت كوب من مرقة اللحم و نسيبه شوية يشربها
نحط عليه الارز و بعدين نحط عليهم الكاجو و اللوز المحمصين
و عليهم نحط اللحمة او الفراخ (يفضل نحمرها بعد سلقها مع معلقة سمن على النار)
و جنبها بنحط الدقة و ناخد منها نحط على الرز و ناكل بالهنا و الشفا


ممكن كمان ناخد من مرقة اللحم نعمل شوربة لسان عصفور او شعرية
و ممكن كمان نقدم معاها لبن زبادى


يا ريت بقى تبقوا تقولى بس بصراحة مين احلى الفتة المصرية و لا الفلسطينية؟؟؟؟؟؟؟؟؟؟؟
الصورة الرمزية sagda
sagda
روح المنتدى
قديم 11-04-2007, 09:48 PM
#2
بصراحه دى حاجه ودى حاجه بس ايلى اتنين بصراحه يجننوا انا جربت المصريه لانى مصريه لكن ان شاء الله هجرب الفلسطنيه بس ممكن بدل الكاجو بندق او عين جمل او فسدق تسلم ايدك ياقمر
الصورة الرمزية سمرا مصر
سمرا مصر
رحيق الوردات مشرفة سابقة لها عبير الورد
قديم 11-04-2007, 11:38 PM
#3
انا باحب الفته المصريه جدا بس ما جربت الفته الفلسطينيه
نجرب ونقول الفرق لان اكيد كل واحدة لها طعم غير
azmiralda000
وردة فعالة
قديم 11-05-2007, 12:19 AM
#4
بصراحه دى حاجه ودى حاجه بس ايلى اتنين بصراحه يجننوا انا جربت المصريه لانى مصريه لكن ان شاء الله هجرب الفلسطنيه بس ممكن بدل الكاجو بندق او عين جمل او فسدق تسلم ايدك ياقمر
لازم ان شاء الله تجربيها دى حلوة اوى, ممكن تستخدمى لوز بس و تستغنى عن الكاجو بس ما ينفعش غيرهم بس بصراحة الكاجو بيديها طعم حلو, انا بشترى بس 125 جرام كاجو و 125 جرام لوز لأنهم غاليين و بيكفونا الحمدلله
azmiralda000
وردة فعالة
قديم 11-05-2007, 12:20 AM
#5
انا باحب الفته المصريه جدا بس ما جربت الفته الفلسطينيه
نجرب ونقول الفرق لان اكيد كل واحدة لها طعم غير
ارجو لما تجربى ان شاء الله تقوليلى رايك للتشجيع
إيمان القلب
:: وردة ماسية ::
قديم 11-11-2007, 10:19 AM
#6
شكرا حبيبيت وانا كمان بس جربت المصرية
اضافة رد

العلامات المرجعية

الفتة الفلسطينية


« المموش الأرز الايطالي بالماكولات البحرية »

أدوات الموضوع
انواع عرض الموضوع


الموضوع كاتب الموضوع المنتدى مشاركات آخر مشاركة
الفتة , وصفات كاملة عن انواع الفتة بتول الغلا قسم الاطباق المنقولة 2 10-08-2012 04:06 PM
طريقة عمل الفتة الشامية مامي نور الأطباق الرئيسية 15 08-21-2012 07:27 PM
ملف شامل لاا شهى انواع الفتة جوري الاسلام80 قسم الاطباق المنقولة 12 01-29-2012 08:55 AM
الفتة اللبنانية كركورة السلطات وَ المقبلات وَ الشوربات 13 02-29-2008 05:18 PM
الفتة المصرية azmiralda000 أرشيف رجيم 6 11-26-2007 11:13 AM

الساعة معتمدة بتوقيت جرينتش الساعة الآن 01:10 PM. : .
المواضيع و التعليقات المنشورة لا تعبر عن رأي مجتمع رجيم ولا نتحمل أي مسؤولية قانونية حيال ذلك (ويتحمل كاتبها مسؤولية النشر)
جميع الحقوق محفوظة Rjeem 2015
Powered by vBulletin® Version 3.8.7, Copyright ©2000 - 2018, Jelsoft Enterprises Ltd.
Content Relevant URLs by vBSEO 3.6.0
منتدى رجيم منتدى مستقل