هل انتي ندمانه؟؟؟؟؟
مجتمع رجيم / قسم الأرامل و المطلقات و المتأخرات عن الزواج
كتبت :
مهره الفلاسي
-
هل عمرك قلتي لنفسك ليش مااعطيتو فرصه ثانيه؟؟
لا ما عاد اعطيه فرصه ثانيه لاني اعرف مافي امل يعني اضيع عمري ع الفاضي واههو مب قد المسواليه يعني واجباته يبغيه كامله وماتنغص شي وبس واجباته لنا مافي ويقول لي اصبر واتحملي وادعي لي
هل تمنيتي انك تحملتي المعاناة لحالك بدل مايتحملها معك ابنائك؟؟
عندي ولد وبنت بس وجنه ما عندهم اب يعني من المصاريف والاهتمام منه مافي لا نتحملها سوا وهاي غلطه عمري
هل شعرتي ان لقب زوجه تعيسه افضل من لقب مطلقه؟؟
لا طبعا مايهمني الالقاب اهم شي عندي الراحه النفسيه انا يوم كنت في بيت زوجي ما كنت مرتاحه ابد وعندي خوف منه
هل فضلتي لو انكي تحملتي الالم بدلا من تحمل واليديكي لألمك؟؟
لا يتحملوون اهم لان هاي غلطتهم اهم زوجوني وعمري 16 وانا بعدني ياهل ع الزواج ويعرفونه ويعرفون اهله عدل واهوو بن عمتي
يعني باختصار هل ندمتي ولو يوم واحد على طلبك للطلاق؟؟
الصراحه انا تامه بيت اهلي الحينه 3 شهور وبتطلق ان شاء الله وان شاء الله مابندم لان هدا القرار الصحيح لي ولاولادي
المشكله ابوياء لانه ولد اخته مايبني اتطلق منه بس بصر ع كلمتي وارتاحه منه حتى لو ابوياء واخواني ضد
ويعرفون غلطه بس خايفين من السمعه ع قولتهم ويصرون علي ارد له بس النفس عافت كرهته وكرهت طاري الزواج والرجال والحياه بسببه واهلي مايبوني مطلقه
ما اقول الا حسبي الله ونعم الوكيل
انا اكتب ها الكلام وانا اصيح كلهم ضدي والكل يدور مصلحته وراحته ومايهمه راحتي
ساعات اقول ليش الله خلقني انثى لو كنت ريال احسن
