خبز الرخسيس من المطبخ الجزائري
مجتمع رجيم / المعجنات وَ السندويشات
كتبت :
اميرة حلوة
-
اليوم جبتلكم نوع اخر من انواع الخبز اللي نحضروها في بلادنا
تاع اليوم نسموه الرخسيس اسمو غريب شوية ؟؟؟؟؟؟لكن ذوقو لذيذ نعملوه في الشرق الجزائري و هو مايفارقش طاولة فطور رمضان مع شوربة الفريك
وفي ايام الافطار نشربو بيه حليب الصباح روووووووووووعة
حتى خبز اليوم هو تقليدي فيه سميد وملح و شوية زيت وتحكيه بين يديك لتحصلي على حبيبات رملية وتضيفي شوية بكربونات و ماء
تاع اليوم فيه اضافات يعني رخسيس عالطريقة العصرية
راح نحتاج سميد و ربع الكمية فرينة يعني في 800غ سميد تاخذي 200غ فرينة
حوالي نصف كاس زيت او اكثر على حسب مايتشرب السميد المهم ترملي الخليط
كيس خميرة كيميائية
ماء و اختياري رشة خميرة فورية اذا حبيتي تحسي الخبز مطاطي شوية او اذا حبيتي تحسيه هشيش ومش مطاطي استغني عليها
حبة الحلاوة يعني الينسون للنكهة
تخلطي المكونات و تسقي بالماء لحد الحصول على عجينة طرية شوية
تقسميها 3كرات متوسطة و تخليها ترتاح ربع ساعة مغطية ببلاستيك
ابسطي العجينة بسمك نص سنتيمتر بشكل دائري باستعمال الحلال و اثقبيها بالشوكة
واطهيها مباشرة في نوع من الاواني احنا نسموه طاجين هو مصنوع من الطين و نطهو فيه انواع من الخبز ونسخنوه بزاف قبل الطهو
اطهيها من الجهتين
شوفو شكلو وش يشهي امممممممممممممممممممممممممممممممممممممممم
بصحتكم و استنى ردودكم و تعليقاتكم و تحياتكم و سلامكم ورايكم و تقييمكم هههههههههههه
