بجد انا مأهورة على نفسى

مجتمع رجيم / أسئلة و استفسارات الرجيم
كتبت : مسلمة
-
أختى العزيزة
انا كمان من اسكندرية مش عاوزك تيأسى من رحمة ربنا ابعتيلى رقم تليفونك فى رسالة خاصة و اسمك
و انا حكلمك و نحاول نلقى حل لمشكلتك ان شاء الله
كتبت : ام رينا
-
اختى العزيزه السلام عليكم ورحمه الله وبركاته معاكى حق الوزن الزائده مشكله بس دى مشكله ليها حلول كتيره بس فى ناس عندها مشاكل نفسيه وجسديه الله معافينا وملهاش حل فانتى فى نعمه انت بس امشى على نظام رجيم معين انا ما بئول تبطلى تكلى ده غلط انت كلى مش ضرورى اكل معين لا ابدامن اكل البيت لاكن بنظام معين يعنى حددى لكل وجبه كميه محدده من الاكل وشويه شويه تلائىمعدتك اتعودت على كده واكلك طبيعى حيئل وكمان شويه رياضه - بس العبى بنظام بردو يعنى مش مره وحده تعملى التمارين عشرين مره لا فى الاول مثلا خمسه ويوم بعد يوم يزيدو يعنى كل اسبوع زودى شويه0 وياريت حبيبتى متئوليش انتحر ربنا يعين كل واحد على مبتلاه وكل انسان فينا ربنا خلقه يوصل رساله معينه (يعنى ممكن تكونى سبب لاسعادناس تانين وربنا معاكى اختك ام رينا
كتبت : المصراويه
-
[[[size="3"]gdwl]color="purple"]أختى الغالية ,

أولا عايزة أقولك أنى أنا حاسة بييكى أوووووووووووووووووى , و ده لأنى فى نفس مشكلتك ,أنا وزنى كان 124 كيلو (رقم كارثة) بس كمان أنتى مشكلتك أهون لأنك تعتبرى طويلة ,أنا بقى مع كل هذا الوزن و كمان قصيرة (يعنى الطين زاد بله)

أنا كمان زيك بالضبط ,جربت كل أنواع الرجيمات ألى فى الدنيا و رحت لكل الدكاترة بتوع الدايت ألى فى مصر , أكتر من 6 أطباء تابعت معاهم على مدار 10 سنوات (عمرى الأن 24 سنة) و كل مرة بفشل ,و غير كده بقى شوفى الضغط النفسى ألى عليه أنا كل أهلى جسمهم رشيق و كل أصحابى كمان .و كل يوم البيت ملئ بما لذ و طاب

مش هطول عليكى , بس ألى أان عايزاكى تعرفيه أنك مش أنتى بس ألى كده ,و الله فى ناس أكتر من كده بكنييييييييير ,أنا كنت بشوف عند دكاترة الرجيم أجسام لا تقل عن 200 كيلو , و كانوا بنات , و كان عندهم أمل فى أنهم يخسوا

بس كل الموضوع أن الموضوع محتاج ( حرب) بجد و اله هى حرب بمعنى الكلمة , ليه لأننا لما بنوصل للوزن ده بيبقى أحتاج جسمنا للأكل أكتر بكتير , أقولك على حاجة , أنا والله كان بييجى عليه أوقات كتير ماكنتش بشبع مهما أكلت كنت علطول حاسة بالجوع ,لدرجة أنى كنت بكره نفسى.

أنا عارفة أن الأكل متعة و خصوصا لما نكون نفسيتنا تعبانة من حاجات تانيه, [gdwl]ولكن (و وبعدين)[/gdwl]

أخرتها أه؟ أنا هقولك على مثل قديم جدتى قالتهولى و هو (الأكل لو عددى على اللسان أصبح نتان) بمعنى أن متعه الأكل لا تتجاوز اللسان ثم بيصبح فضلات .
وديه حقيقة

إذاً لازم نأخذ وقفة مع نفسنا , ليه ؟ لأنه لو أستمرينا بالشكل ده حياتنا كلها هتبوز , يعنى هقولك على الحاجات ألى انا دايما بفكر فيها

ياترا المشكلة بس فى نظرة المتجمع لينا؟ يعنى مثلاً لو الناس أصبحت راضية عن شكلنا و أحنا بالوزن ده هل كل مشاكلنا هتتحل؟؟؟

يعنى هل مثلاً هتقبلى و مش يبقى مشكلة بالنسبة ليكى لو كنتى فى يوم زفافك بالوزن ده؟ (حتى مهما كان رأى الناس أنى شكلى حلو و وزنى مش مسبب أى مشكلة للناس ولا حتى لعريسى)

الأجابة بالنسبة ليه هى طبعاً لأ , أنا مش قابلة على نفسى كده , و مش هبقى مبسوطة أبداً لو لبست فستان فرح بالمنظر ده.

إذا لازم انا و أنت نأخذ وقفة قوية جداً مع نفسنا و نأخذ الموضوع حياة أو موت , أكون أو لا أكون

و بعدين أشمعنا أحنا ألى مش عارفيين نخس؟؟؟ أنا عن نفسى أعرف ناس كتير كانا أوزانهم مهوووولة و قدروا أنهم يخسوا, و أبهروا الجميع , ليه أنا وأنت منبقاش منهم؟؟؟؟؟؟؟

أه رأيك نبدامع بعض و نشجع بعض؟؟؟؟؟؟؟؟ أتنمى أنك تقبلى

و بعدين صدقينى الموضوع مش مضوع فلوس والله, أنا البوابة ألى عندى فى العمارة كانت طخينة أوى و خست مووووووووووت من غير ولا رجيم ولا حاجة,(كنت بتأخد كل يوم كوب كون بالليمون) يعنى الست الجاهلة الغلبانة ماستسلمتش و قدرت تساعد نفسها و أحنا لأ!!!!!!!!!!!!!!!!!

أنا مش هكلمك على موضوع الأنتحار ده لأنى واثقة أنك قولتى الكلمة يده من حزنك و قهرتك و لكنك عمرك ما كنتى هتعمليها أبداً , كلامى صح؟؟

أنا فى أنتظار ردك لو موافقة أننا نبدأ مع بعض أنا هبعتلك خطة تفصيلية نمشى عليها و وعد منى أنك لو ألتزمتى عليها بإذن الله هتخسى بسرعة و كمان من غير جوع.

أنا الحمد لله أستطعت ما شاء الله تبارك الله أن أنقص 10 كيلو من وزنى . و إن شاء الله أنا و أنتى مع بعض هنحقق أحسن نتائج.

أتمنى لكى كل الخير و السعادة
[/gdwl][/color]
[/size]
كتبت : المصراويه
-
http://www.rjeem.com/forum/t12562.html

أتمنى تشوفى الصورة ألى فى الرابط السابق للفتاة ألى كانت فى برنامج الرابح الأكبر و كانت 151 كيلو و أصيحت 94 كيلو
كتبت : my sweet heart
-
بقول نصيحه واحده فقط من توكل على الله فهو حسبه شـكــ وبارك الله فيك ـــرا لك ... لك مني أجمل تحية .
كتبت : lovely girl2009
-
لالالالالالالالالالالالالالالالالالالالالالا ياحبيبتى
متقوليش على نفسك كدة او تفكرى فى الانتحار بعد الشر
اول حاجة تقتنعى بنفسك وتخلى فى تقة جامدة اولا فى ربنا ثانيا فى نفسك
وحاولى تتبعى رجيم السعرات
متوازن وصحى ومش هتزهقى منة
وكمان زودى حركتك
ومتقلقيش ان شاء الله هتخسى ياقمر
الصفحات 1  2  3 4 

التالي
السابق