مجتمع رجيمأسئلة و استفسارات الرجيم

بجد انا مأهورة على نفسى

انا فتاةعمرى20 سنة ومشكلتى وزنى الزائدطولى168 ووزنى اللى هوا الطامة الكبرى هو130 كيلو جرام عملت كل انواع الدايت اللى تتخيلوها وفشلت انا بعانى من موضوعى ده من زمان كنت حعمل عملية تدبيس معدة بس الظروف مش سامحة بجد انا تعبانة نفسيا من الكلام اللى بسمعه طول مانا رايحة وجاية بجد مش عارفة اعمل ايه فكرت انتحر ب انا خايفة من ربنا بجد محتاجة مساعدة ضرورية وانا جربت كل حاجة ومش عارفة ارجوكم ساعدونى واسفة انى طولت عليكم:mad:
ياجماعة لاتنسونى بالله عليكم
أختى العزيزة
اولا كونى مؤمنة بالله و اذا كان هذا قضاء اله فأرضى بة و لا تفكرى فى الانتحار فقتل النفس من الكبائر
و بعدين كلنا زيك عندنا وزن زائد بس بنحاول و الموضوع هو حرب مع النفس ليس أكثر و لاأقل
الموضوع هو سعرات حرارية داخلة جسمك عن طريق الطعام و سعرات محروقة عن طريق الحركة
حولى تقللى اكلك و تمشى على نظام من الانظمة الموجودة هنا فى المنتدى
و فى نفس الوقت ابذلى مجهود و حركة كتير فى الرياضة و المشى و بأى طريقة تستطيعى بها حرق سعرات
و حتنجحى ان شاء الله
بس ابتدى و اصبرى و طريق الالف ميل بيبدأ بخطو يمكن تكون الاصعب بس ان شاء الله حتنجحى و توصلى للوزن اللى انت عاوزة و احنا كلنا معاك
ياعمري انتي ربي يخليك لااهلك ويخليهم لك ودايم اذا جات فكرت الانتحار في بالك فكري ان لمن انتحر راح اخسر
اكتر راح اخسر دنيتي واخرتي اما اذا بقيت في الحياة لو خسرت دنيتي ان شاء الله احول اكسب اخرتي
حبيبتي حولي تروحي لدكتور يكون بيعمل جلسات امي لمن سافرت مصر كان وزنها 120 وهي طولها 153والله شهر
ورجعت نازله 20 كيلو شفت الرجيم تبعها كانت ماشيه مع دكتور بالزقازيق والله دكتور ررروعه والرجيم من الاكل الي
بناكله عادي يعني مو دايت ومشبع كمان بس كان بيسوي جلسات مرتين بالأسبوع على البطن بيحط اله بتعمل مثل
المساج والا هتزازات والله روعه وكان كشفه 20جنيه اول مرة وبعد كدة كل جلسه 10 جنيه الدكتور في الزقازيق
بس والله ماني مذكرة اسمه بس لقبه النجار
ممكن تشوفي اي دكتور وتمشي معاه وربي يعينك ويساعدك ياقلبي


السلام عليكم ورحمة الله وبركاته

اختي

مش هاقدر اضيف شيء بالنسبة اللي قالوه اخواتي

لكن عشان مشكلتك دي تتحل لازم تكوني متصالحة مع نفسك

الدنيا لن تنتهى عن ذلك

وبعدين مشكلة الوزن الزائد دي هينة لو قدرتي تتعاملي معاها

وزي ماقالت جوري كلنا وزننا زائد وانتي مش او ل ولا اخر واحدة يكون وزنها زائد بالعكس ده فيه اكثر منك واضعاف كمان

يعني الحمد لله انتي ممكن تكون مشكلتك اهو من ناس تانية

بعد ماتفهمي النقطة دي

لازم تتعلمي حاجة تانية وهي الصبر

الصبر اولا على الوضع ده

تاني شيء الصبر انك ازاي تتعاملي معاه

يعني امشي مع دكتور متخصص بالديت لانه حسب طبيعة جسمك هايقدر يحدد ايه الريجيم اللي ينفع معاكي لان مش كل الريجيمات بتنزل الوزن

بالعكس ممكن تتبعي ريجيم وتقسو على نفسك فيه ونهاية الامر وزنك ثابت " وعلى فكرة ده حصلي "

عشان كده تابعي مع دكتور والتزمي بكل شيء واهم من ده خلي عندك ايمان بربنا واصبري واكيد ربنا هايعوض صبرك ده خير بل ويجازيكي عنه كمان

شدي حيلك

وعايزين حماس يالا وكلنا نشجع بعض :biggrin:


حبيبتي لازم تكشفي عند دكتور قد يكون زيادة وزنك نتيجه لخلل في الهرمونات او لنقص في افراز الغده الدرقيه
وهذه اشياء ليس لاحد ذنب فيها
كشف وتحاليل اولا علشان تعرفي سبب الزياده
لو مفيش سبب مرضي يبقي هتابعي مع دكتور كويس يعملك رجيمات مناسبه لوزنك وصحتك وجلسات
وربنا يوفقك ويحققلك مرادك
واستعيذي بالله من الشيطان الرجيم
1 2  3  4 
كلمات ذات علاقة
مأهورة , انا , بدي , على , نفسي