ابي رساله ممكن مساعدتكم ؟؟!!

مجتمع رجيم / أرشيف رجيم

كتبت : شموخ الحب

السلام عليكم ورحمة الله وبركاته

ابي ابدأ بالموضوع على طول انا بسافر لمدة اربعه شهور الامارات لأهلي لظروف

وزوجي بيكون بالسعوديه وانا ابي اكتب له رساله حلوه قبل اسافر

بس :( ماعندي اسلوب حلو بكتابة الرسايل فقلت لنفسي

مالي الا الله ثم اخواتي بالمنتدى ابي منكم لاهنتوا تساعدوني

لاني مابقيت ورقه وانا اكتب وارمي هههههههههههههههههه :biggrin:

ياليت بسرعه لاني بسافر بكره المساء

اتمنى التوفيق للجميع

كتبت : امي الدنيا ومافيها

ان شاء الله حبيبتي راح اكتبها لك
بس نطري علي لو ساعة او ساعتين

كتبت : امي الدنيا ومافيها

القمر شاهد
يامن سيسهرني حبك الليل ؛ والقمر شاهد ؛ وعقلي على رضاك ويا قلبي متعاهد
بغير عيون الناس راح اشوفك واتابع نظراتك ؛ واسمع همس شفايفك ؛ تدري انه الدقيقة وياك تساوي العمر واتمنى الثواني معاك توقف وما تمر ؛ لو بغيب طيفك عن عيوني مايباعد ؛ ذكر اسمك يهز كياني وطاريك راح يهد جبال احزاني ؛
انت يامناي اكبر آمالي وغاية مناي ؛ دايم على بالي ووسط احشاي ؛ وملامحك مطبوعه بقلبي ؛
فأذكرني :
يامن حولت ساعات يومي إلى ثواني ؛
يامن زرعت في قلبي الخالي الأماني ؛
يامن حولت صحراء حياتي إلى اغاني ؛
يامن نبرة صوته فراغ كياني ؛
يامن بعثت الدفء في قلبي ؛
فسوف يطول شوقي إلى رؤياك
واحبك لو أروح بعيد ؛ واحبك لو الجروح تزيد ؛ بس الأكيد أنت الوحيد اللي في عيونه القى عذابي وانت بعيد ؛
وانت الوحيد اللي له شوقي يزيد وانت بعيد :

ولو انتي من دول الخليج ممكن تكتبيله بيتين الشعر هذول:
مايحتمل صبري وداعك دقيقة
وان طال صبري ماتعدى ثواني
دايم دروب الشوق لاجلك طريقه
وان غبت عني لك هيامي خذاني
ياماخذ فكري المولع بشوقه
لحروف شعر لك كثير المعاني
اذا بكيت الصبر بالحيل يضيقه
لكن عسى بلقاك ليل الأماني

اتمنى كلماتي تعجبك وسامحيني يالغلا:o

ملاحظه صغيره
حبيبتي حتى لو موعارفه تكتبين رساله او موعارفه تعبرين عن اللي بداخلك
يكفي انك تكتبي ولو كلمة وحدة تغني عن كلمات كثيره يحس بها زوجك

كتبت : nooralhuda4

عزيزتي المشاركه ان الكلمات البسيطه النابعه من القلب دائما تعطي نتائجها اكتبي له
حبيبي انت وتؤام روحي اكتب لك ودقات قلبي تكتب لك قبل القلم يامن تتغنى باسمه الروح باحلى نغم يامن نطق لساني باسمه كاجمل اسم حتى ان ابتعدت عنك فانت دوما معي وطيفك يراودني مثل الحلم
اكتب اليك والالم يعصر فؤادي على فراقك انها اربعه اشهر ولكنها بالنسبه لي دهر كامل فليصبرني ربي على بعدك يااغلى الغوالي ويانور عيني فلولا الظروف ماتركتك تغيب عن نظري حبيبي تبقى انت اغلى الناس تبقى انت ظلعي لو احسب الغالين انت اغلى ربعي نور عيني تغيب عن العين بس بالقلب نابت وكلشي بالدنيا يتغير الا غلاك ثابت يانظر عيني فتحمل ايام بعدي عسى ان يجمعنا الباري مره ثانيه باقرب وقت انه نعم المولى ونعم المجيب
رجف قلبي من هواهم حلف مايهوى سواهم وين راحو الحبايب غابت الضحكه بلاهم
بعيد ولا جنح عندي وامركم
وصرت خاضع لامر الله وامركم
البعد لابد يخلص وامركم
وعاتب كل محب مايسال عليه
مشتاقه الروح تسمع حكيكم وعظامي تنوح تسال عليكم والعين تصب دمع مشتاقه لكم والقلب يذكر لياليكم واسعد ايامي تكون من الاقيكم
ياطير لو سافرت سلم على الغالين ولو طال بينا الوقت قلهم ماناسين

ابي رساله ممكن مساعدتكم ؟؟!!

مجتمع رجيم / أرشيف رجيم

الله يخليكم اسمعوني طلب واحد بس..

اي استفساااار عن هذي الدول ... من عيوني "" !!