الاعراس في مدينة الياسمين(دمشق الحبيبه )

[URL=

مجتمع رجيم / الموضوعات المميزه فى العروسة
عود مسك
اخر تحديث
الاعراس في مدينة الياسمين(دمشق الحبيبه )

الاعراس الياسمين(دمشق 5e4ahnc52xsmvc3rwej.

الاعراس الياسمين(دمشق 2vftudl5u3mwatid1hy.
الاعراس الياسمين(دمشق d97re74w4otdty1kqmbs الاعراس الياسمين(دمشق s2vyhtkif7dybnvs569.

اول شي راح احكي بالسوري مشان افوتكو بالجو

ويلي ما راح تفهم علي تبعتلي على الخاص وانا بترجملها

اغلب الزواجات عنا بتكون عن طريق الاهل( وبنسميها شوفة اهل )

غالبا الحكي بيكون بين النسوان على التلفون واذا كان في قبول بتجي الأم مع حدا من بناتها او اقاربها

, وان صار في قبول بيجي العريس بالزيارة المقبلة وبيشوف العروس طبعا بحضور والدها او اخوها

, في حال ربنا تمم على خير يبدا التحضير للخطوبة الرسمية

, يتم الاتفاق بالبداية بين الرجال في زيارة بيسموها " فصل النقد " عن المتقدم والمتأخر وهيك امور ,

وبيعطي العروس مبلغ بيسموه " ملبوس البدن " مشان الجهاز .ومبلغ تاني للذهب

. بعض الأسر تعلن الخطوبة مجرد اعلان وبالتالي مابيقدر العريس يجي يشوف عروسته بدون حجاب

او لحالها , بعض الأسر بتعمل " كتاب شيخ " يعني عقد غير مسجل بالمحكمة

بتصير البنت زوجته شرعا وبيقدر يجي يشوفها لحاله ..

وبعد كم يوم بييروح العريس والعروس وامه وامها حتى يشتروا المحابس " خواتم الزواج "

الاعراس الياسمين(دمشق sb5jdttz5s7nfpm22tsl

, وبتصير كما العادة في كل مكان فترة الخطوبة العزايم والمشاوير والطلعات وبدا تأثيث عش الزوجيه

الخطوبه


وهون العاده تختلف من اسرة لاخرى منهم بكون تكاليف الخطبه على اهل العروس

ومنهم العريس بيتولى كل التكاليف (وعلى قولتهم يوووووه عاطينه بنت متل الورده وكمان ندفعلو مصاري)

المهم بنعمل الخطبه على الديق (بس اهل العروس والعريس المقربين )

وبتكون بصاله على قد الحال ازا كان العريس غير مقتدر ماديا ودائما النسوان لحال والرجال لحال

ممكن يفوتو الرجال شوي مع العريس مشان يشجعوه

اما عن اجواء الخطبه فبتعرفوا رقص وفقش واهم شي الزغاريد والمهاهاي (كلمه شاميه بحته )يعني اويهاااااا

اكيد شايفينها بالمسلسلات

وراح اعطيكو مثال يله يا بنات قولوا وراي


اووووووها ع الهشي الهشي
اوووووها وطبخنا المحشي
اوووووووها عروستنا حلوة
اوووووووها بيلبقلا كل شي

لوللولولولوليششششششششش

الاعراس الياسمين(دمشق d4iy178c9qlkrc29dmlg

اوووووووووووها صلو عالنبي
اوووووووووووها وزيدو صلاتو
اوووووووووووها ويلي مابيصلي عليه
اوووووووووووها تطء مرارته

لوووووووووووووووووووليش

الاعراس الياسمين(دمشق d4iy178c9qlkrc29dmlg

وبآخر الحفلة بيجي العريس شوي وبيلبسوا الخواتم قدام الحاضرين ..

الاعراس الياسمين(دمشق nlig4tzmx85dfbvwvzh.

وبروح العريس بيسهر و بيتعشى عن اهل العروس

وبضل رايح جاي متل مكوك الحايك (مثل سوري )على بيت العروس ويزق (يجيب )بالهدايا

الاعراس الياسمين(دمشق akcqr0jarkyq2h7y8hq.

والعروس تشتري لبس ومكياج وقمصان نوم الخ.........

والعريس بجهز البيت من مجاميعه (كل الاغراض الازمه)

العرس

قبل العرس بكم يوم بيجو اهل العروس بياخدو الجهاز وبتروح ام العروس واختها وخالتها

مشان يعلقوا الثياب ويرتبوا الاغراض الخاصه بالعروس

وهون بكون حاضر عدد كبير من اهل العريس مشان يتفرجوا على الجهاز

وطبعا كل قطعه والها طريقتها بالعرض والها زغاريد خاصه فيها

وبيعملو حفله صغيرة دق وغنى (بحموو للعرس )

وليلة العرس اهل العروس بيعملو حفله صغيره بسموها التوديعه لانها اخر يوم للبنت ببيت اهلها

واهل العريس بيعملو سهره للشباب بقولولها التعليله وتنصب الاضواء والكراسي بالشارع

وتقام الاغاني والدبكات اما ام العروس واخواته بروحو لحفلة العروس وبيعملوا الحنه وبدقوا وبيرقصوا

يوم العرس بتاخد العروس حمام سخن غيرررررررررر شكل وبتروح للكوافيره

اما العريس فبيكونو رفقاتو هرووو دعك بالليفه وعم يحمموا وبنقلها التلبيسه لانو الشاطر

يلي بلبس العريس والشاطر يلي بدو يعطره ويزبطه

وبس تخلص بترجع لبيت اهلها بتستنى اهل العريس يجوا وياخدوها

وما بياخدوها كيف ما كان لا بجيبوا سيارات كتيررررررررر و بسموها الفارده

بزينوها احلى زينه بالبالونات والورد الطبيعي

الاعراس الياسمين(دمشق xco5i2hdslqobh1rb49.

وبصيرو يزمرزووووو وبيصرعوا الدنيا مشان الكل يعرف انو اجوووووووو

وماالكو بطول السيره بتركب العروس وبتروح على الصاله

وهون ................... تطفى كل الانوار ما عدا ضو واحد بكون موجه على الباب يلي بدها العروس تفوت منه

بينفتح الباب شوي شوي بطل العروس باحلى ابتسامه تدخل شوي شوي وطبعا قدامها في اربع بنات صغار

لابسين ابيض وحاملين شموع بوصلو للاسكي (الكوشه)تجلس العروس وتضاء الانوار

ويبدأ الرقص والغنا والفرح وهيك لما يجي العريس زافينه اصحابه لباب الصاله

ولا ننسى العراضه هاي لازم بكل عرس بتكون اللعب بالسيف والترس واستعراض النار

الاعراس الياسمين(دمشق i6jbzkwgga8zzv9wg5y6

والعراضه الشاميه هي من التراث الشامي القديم وبتقول العراضه


صلــــــــوا
على محمد
مكحول العين
نير وغضير
والعادينا وهيييييييه


أول مانبدا منقول
صلوا على طه الرسول

أول ما بدينا
على النبي صلينا

يا صلاتك يا محمد
والصلاة بالصوت صلوا

ياصلاتك يامحمد
والصلاة صلوا عليه

وعلينا وعليه
وعلى من زار قبره

وعلى من حج إليه
حجيت الحجاج لاجله

انشق القمر بنص الليل
من هيبة رسول الله

لا إله إلا الله
محمد رسول الله



===

في وحدة تانية :

شنكليلة شنكليلة
الله يعينه على هـ الليلة
من هالليلة صار له عيلة

الى آخر من هنالك من العراضات ..

بهاد الوقت بتروح العروس لباب الصالة استعدادا لاستقبال العريس اللي بيدخل بمرافقة والده

اول مايشوف العروس بيرفع عن وجهها الطرحة وبيبوسها وبيتوجهوا على الاسكي ,

بيلبسها الدهب و بيبدلوا مكان الخواتم من الايد اليمين الى اليسار , وببيسلموا على الناس

الاعراس الياسمين(دمشق f09hzm4p1qei84thkj1t

وبيرقصوا عادي وبيرقصوا slow , وبعدين بيقطعوا الكيك وبيتصوروا

وهون بتيجي الضيافه واكيد كلكوا الايمع (البوظه العربيه بتتكون من حليب وقشطه معجونه بالفستق الحلبي

الاعراس الياسمين(دمشق 09e3n3d3g2pxmldajs76

الاعراس الياسمين(دمشق 7nnkbpa6pjo9tjhpwrrr

ازا كان العرس بالصيف اما ازا بالشتاء بتكون الضيافه محلايه (او شكك الفقراء)عباره عن مهلبيه

الاعراس الياسمين(دمشق oirhqbgb42498tap2hg7

وعلى وجها كريمه ومكسرات وطبعا مع الكيك يلي قطعوا العرسان

متوسطيا بتخلص الاعراس حوالي الساعة 12 او 1 , وفي اعراس بتضل للاربعة الفجر تقريبا ..

بنهاية العرس بيطلعوا العرسان بالسيارة المزينة ووراهم سيارات الاصدقاء والاقارب

وطبعا التزمير شغال وبروحو لفه بدمشق مثلا على جبل قاسيون

وبعدين بيوصلوهم على الأوتيل او على البيت

, ان كانوا رايحين على البيت من العادات القديمة

انه مستحب بيدخلوا معهن على البيت اول شي مصحف وسجادة صلاة

ويحطوا اعند الباب نبات اخضر ( باعتبار النبات رمز الخصب والحياة ) .

وفي ناس بجهزو عجينه لازم العروس تلزق العجينه على حيط الباب قبل ما تدخل

مشان تلزق ببيت زوجهاوما تطلع منه والمشكله ازا العجينه ما لزقت بضل العروس تحاول لحد ما تلزق

تاني يوم الصبح في ( الصباحية ) والتحية المعروفة فيها ( صباحية مباركة )

بيجوا امهات العروسين بيزوروهن وبيباركوا الزواج ..

وطبعا ممنوع العروس تزور اهلها الا ازا عملولها عزيمه كبيرة وبسموها ردة رجل

بعد الزواج بفترة قصيرة ام العروس بتعمل " مباركة " للعروس ,

وكمان بيجوا بنات العائلة والصديقات بيعملوا بالبيت حفلة صغيرة ..

وبتبلش الناس تروح تبارك للعروسين وبياخدو معاهم الهدايا

او بيعطو العريس مصاري شان يكمل يلي ناقصه بالبيت

وكل الاهل والاقرباء بيعزموا العرسان على الغدا وبضل ينعزموا شهر كامل

وهيك بتنتهي قصة العرس الشامي

بتحبو احكيلكم عن قصة الحمل والولاده ولا بكفي هيك ..........


الاعراس الياسمين(دمشق mv476903dqclzmjkwp8.
LOVELYWIFE

ودامت الافراح حليفة دياركم العامرة

لا خلص حبيبتي بكفي الحمل والولادة قسم ثاني وحفلة ثانية اكيد
موضوع حلو يسلمو
um rawan
اووووووها ع الهشي الهشي
اوووووها وطبخنا المحشي
اوووووووها عروستنا حلوة
اوووووووها بيلبقلا كل شي

لوللولولولوليششششششششش
ماشي الله ما احلي الزواج السوري
بارك الله فيك حبيبتي
عن جد استمتعت بالموضوع والفرح الشامي
ربي جعل ايامك كلها افراح يارب
واحلي تقيم لاحلي حبيبه
Coeur de Rjeem
انا جيت باله اعملو طريق ههههههههههه
انا جيت وجبت احلى وسام واحلى تقييم لاحلى الاء
تسلمي حبيبتي
انا عندي طلبين اول شي وين المالح احنا شفنا الحلو بس
تاني شي لما تروحي سوريا ويكون فرح ابعتيلي بطاقه دعوه


اووووووها ع الهشي الهشي
اوووووها وطبخنا المحشي
اوووووووها عروستنا حلوة
اوووووووها بيلبقلا كل شي

لوللولولولوليششششششششش
ام البنات المؤدبات
اووووووها ع الهشي الهشي
اوووووها وطبخنا المحشي
اوووووووها عود الحلوة
اوووووووهاابدعت هون
اوووووووها وتستحق التقييييم
لوللولولولوليششششششششش
عشنا معك حفلا رائع رغم انه دخل العرس التقليدي على العصري بس الاجواء التقليدية تحفة
لك ودي
عود مسك
حبيبتي نهوله شكرااا كتير على التقيم والوسام


بس للاسف ما بنقدم مالح في اعراسنا


وان شاء الله في فرح اخوي بالصيف اكيد كل المنتدى معزوم
الصفحات 1 2  3  4  ... الأخيرة

التالي
السابق