نفسيتي تعبانة من خطيبي الصعب

بسم الله الرحمن الرحيم بنات ارجوكم ساعدوني خطيبي كتيير متعبني وصعب كل الخاطبين بكونو مبسوطين الا انا كل موضوع بنتناقش فيه وبنحكي فيه كتيير لحتى ازهق...

مجتمع رجيم / أرشيف رجيم
lonly
اخر تحديث
نفسيتي تعبانة من خطيبي الصعب

بسم الله الرحمن الرحيم

بنات ارجوكم ساعدوني خطيبي كتيير متعبني وصعب كل الخاطبين بكونو مبسوطين الا انا كل موضوع بنتناقش فيه وبنحكي فيه كتيير لحتى ازهق واتعب من اسلوبه

هلا موضوع اللي بناتنا موضوع الصالون والعرس لليموين يوم الحنا ويوم العرس

انا عرسي في 8/4 يعني كمان شهرين تقريبا

يوم الخطبة قبل 3 شهور حجز خطيبي صالة للحفلة الصالة اعطته هدية صالون وتسريحة العروس انا مشان اخفف عن خطيبي رحت على هاد الصالون مع انه ما عجبني وكنت شايفة صالون غيره بس رحت ويوم الخطبة البنت اللي بالصالون ما عملت متل ما انا بدي


بعد الخطبة بيومين حكيت لخطيبي انها غلبتني وما عملت متل ما بدي حكالي يوم العرس ان شاء الله بتعمل اللي بدك اياه

هلا قرب عرسي وشفت صالون عاجبني فتحت مع خطيبي الموضوع وحكيتله انا لازم احجز من هلا بالصالون والبدل حكالي خللي الموضوع علي حكيتله كيف يعني حكالي انا بدي امي اتكون معك بكل شي بتعمليه

حكيت بس امك ست كبيرة وانا بدي اروح على 20 محل يمكن لحتى اختار بدل حكالي معلش خليها تتغلب

وهلا صار بده امه اتكون معي واخته ونسوان اخوانه كلهم ايكونو معي يوم عرسي بصالون لحتى اعمل شعري ومكياجي

بده ايكونو معي هاي مشكلة عندي

انا ما برتاح الا لمن اكون مع اختي وبس

تاني مشكلة هو بده صالون معين حاطه بباله انا ما بدي اياه انا بدي صالون انا اخترته والبنت اللي يه انا بعرفها شاطرة وحابة اعمل عندها

ما بده بده بالصالون الي هو اختارة واهله ايكونو معي

حكيتله كمان انه في بدلتين وحدة يوم الخميس يوم الحنا عنا بالاردن وبدي اروح على الصالون
هيك معروف عنا بكل الاردن كل عروس بتروح يوم الخميس وبتلبس بدلة
هو بحكيلي اول مرة بسمع بهاد الشي واول مرة بعرف انها العروس يوم الخميس بتلبس بدله

حكيتله هي انا حكيتلك بحكيلي ما بقدر احكيلك كلمة الا لمن ارجع لاهلي واسألهم حكالي اليوم بسال امي

سال امه حكالي انها حكتله اذا هي بدها بتروح على الصالون واذا ما بدها عادي بعملو حفلة على الخفيف
مع انه معرف انه بتروح على الصالون وبتلبس بدله وكل هاد الحكي معروف
اصلا اللي ما بتعمل هيك بتكون مالها اشي يا اما مطلقة او شي

بس انا بنت ومو ناقصني شي

اتعبت بجادلني على اشياء من حقي ومن الضروري انها تصير
اخر شي حكيتله انا بدي اروح على الصالون اللي انا اخترته ورح اتاجر بدلتين لليومين وباليومين بدي اروح وهاد الشي بخلي الكبار يتفاهمو عليه

حكالي انا لمن يجو اهلي لعندكم ما رح اكون موجود لحتى ما اتجادل بالموضوع ومتل ما بدك اعملي
لانه اذا كنت موجود رايح احكي اني بدي اياكي تيجي على الصالون اللي انا اخترته

انا تعبت والله نفسيتي تعبت انا اللي 3 ايام بنحكي بنفس الشي وهو اللي براسة بده يمشيه يا اما ما بدخل وبضل براني

ليش هيك ليش اتعبت اتعبت كتيير
ام البنات المؤدبات
السلام عليكم حبيبتي كبريها بتكبر صغريها بتصغر
اسال الله لك التوفيق والسعادة
المشتاقة للجنان
حبيبتي جد من الصعوبه التعامل مع النوع من الرجال
يعني عندو اهلو اولا بعدها الدنيا كلها
حبيبتي استخيري الله
لو كاتب لك خير بالزواج
والله يوفقك
ღ♥ بسمة الحياة ღ♥
اولا حبيبتي الف مبروووك الزواج وبارك الله لك وبارك عليكما وجمع بينكما بخير

ثانيا شي طبيعي بالذات باول ايام حتى السنتين الاوليتين من زواجكما يكونو بينكما خلاف لانكما من بيئتين مختلفتين ولكلا اطباعه

ثالثا انت تحتاجين مع زوجك الصراحة التامة انه تصرفاته تضايقك وانك تريدين ان تكوني مستقلة بقراراتك الشخصية دون تدخل اي من كان وباسلوب رائق وبالايحاء مو الجدل والهواش وتسليط الراي

موفقه لكل خير عروستنا


ام حنين 1981
شوفي حبيبتي اناحاسه فيكي وعارفه ان كل بنت بتخطط لهذا اليوم طول عمرها
اذا هاذي بس المشكله مع خطيبك فهي بسيطه ان شاءالله
لأن واضح ان هذا اختيار اهلو مو اختيارو وكل الشباب في الاشياء هادي بيعتمدوا على اهلهم
اناصار معايا نفس اللي صار معاكي تعرفي كيف حليتها قلتلوا اللي حيتفقوا عليه اهلك واهلي راح اسويه
وخليت ماما تتفق معاهم على كل اللي انا بدي اياه مع انهم كانوا معارضين بس ماما قالت عادي بوديها على حسابي
انتي خلي امك هي اللي تواجه وتقول انكم حجزتوا وخلاص وتقنع اهلو وصدقيني مفتاح خطيبك مع اهلو لو ارضيتيهم واقنعتيهم راح يقتنع هو
يعني خليكي مرنه في تعاملك معاه سوي اللي تبغيه بس من غير ماتعاندي بالكلام
قوليلوا اللي تشوفوا يصير خير لمااشوف امي وبعدين سوي اللي تبغيه
الرجال مابيهتم للفعل قد مابيهتم بردة الفعل
والله يوفقك ويسعدك ويتمملك على خير
◕‿◕β.Ő.Ṩ.Ϋ◕‿◕
يا الله ربنا مايجيب زعل بينكم حبيبتى

انا مع رأى الاخوات جزاهم الله خير

حبيبتى الدب الكسلان

قوليلوا اللي تشوفوا يصير خير لمااشوف امي وبعدين سوي اللي تبغيه

لى رأى أخر

حبيبتى هى لما تتزوج هتكون مستقله فى بيتها يعنى مش كل شئ هتقوله اقول

لماما الاول وبعدين اللى عايزه اعمله

حبيبتى lonly

انا رأى تتخذى معاه قرار او اتفاق

صارحيه قوليله التصرف كذا بيضايقنى

واهم حاجه التفاهم بالراحه حبيبتى

لا تتعصبى يعنى لازم تبادل الاراء بينك

وبينه فقط الاول مرتاحتيش يبقى تبلغى

اهلك وهما اكيد بيشوفوا الحل

وفى النهايه

اتمنى لكى التوفيق يارب

و
الف مبروووك الزواج وبارك الله لك وبارك عليكما وجمع بينكما بخير

:)
الصفحات 1 2 

التالي

دماء شباب ليبيا في عنق النظام وحده

السابق

ســــــاعدوني في الشريط

كلمات ذات علاقة
من , الصعب , تعبانة , خطيبي , نفسيتي