المحشي والملوخية والمخلل لبلاد العرب اوطاني
مجتمع رجيم / الاطباق المتنوعة
كتبت :
دينار
-
طبعا قري مصر ومدنها مشهورة باحدي اجمل الاكلات وهي محشي ورق العنب ومحشي الكوسة والفلفل والباذنجان وكمان الملوخية
حبيت اقدملكم طريقة المحشي والملوخية
ورق العنب نجمعه مع بعض بمشبك غسيل ونغلي ماء مع نصف ليمونة ونضع الورق علي الوجهين قليلا وبعد ميصبح لونه اصفر نصفيه علي مصفاة
الكوسة بنقورها ونحتفظ بالقلب عشان نضعه في قاع الاناء
الفلفل بنزيل القلب والعنق
الخلطة
نستخدم ضعف الكمية ارز
بصلة نشوحها في السمنة ولما تصفر نعصر الطماطم ونضعها عليها مع القليل من الفلفل الاسود ونتركها تتسبك جيدا
بعد كده نقطع خضرة المحشي وهي نعناع وشبت وكسبرة وبقدونس
ونضيفهم للصلصة وكمان نضيف الارز المغسول ونضع الملح المناسب
نبدء في حشو الكوسة ونراعي ترك مسافة بدون ارز
بعد كده نحشي الفلفل
وبنغطي الفلفل والكوسة بمرقة الدجاج ونضعهم علي نار عالية في البداية وبعد ميتشرب المرقة نخفض النار
ورق العنب نقطع بصلة في قاع الاناء ونلف الورقة جيدا علي الجهة اللي بيها عروق
ونغطي ورق العنب بالمرقة ونضعه علي النار
الملوخية نغسلها بعد منقطفها ونفردها علي قطعة قماش حتي تجف
[BIMG]http://img560.imageshack.us/i/01032011344.jpg/[/BIMG]
نخرطها ونجهز الشوربة المناسبة 4 معالق كبيرة بتاعت الغرف لكل نصف كيلو ونغلي الشوربة ونضع الملوخية ونقلب جيدا
ندق التوم مع كسبرة ناشفة ونشوحهم مع السمن عشان التقلية
ونضعها للملوخية ونقلب ونرفعها من علي النار
وده الاكل كله مع الفراخ
ودي صورة اقرب
وده المحشي من قريب بس كمية اصغر
اللفت
وده مخلل اللفت بنغسله جيدا ونقطعه وعليه ملح وخل وشطة ونضعه في برطمان ونغطيه بالماء ونقفل عليه جيدا لحد ميصبح لونه وردي
وبعد كده
وده الشكل الاخير اتمني الاكل كله يعجبكم
ولاتنسوا التقييم لو عجبكم الاكل ياقمرات