الخرشوف بالحمة المفرومة
مجتمع رجيم / وصفات اللحوم
كتبت :
زهره الاسلام
-
اهلا حبيباتى :)
انا بدئت اعمل رجيم وهذا 3 يوم لى
يا رب ربنا يقوينى وما ارجع فيه والخبط كالعاده 
انا اليوم عملت خرشوف بالطماطم واللحمه المفرومه
هى اكله صحيه وشهيه واهم حاجه انها مشبعة غير ان الخرشوف سعراته الحراريه قليله جدا 7 سعره فقط لكل 100 جرام
المكونات
2 ثمره خرشوف
2 ثمره بطاطس صغيره
2 ثمره طماطم
مقدار قليل من اللحم المفروم قليل الدهن
ملح فلفل اسمر وبهارات
الطريقة
اول شيىء ننظف الخرشوف ونسلقه نصف سواء في مياه وليمون حتى لا يتغير لونه
واحضر ثمرتين بطاطس صغار اسلقهم نصف سواء حتى تنزل النشاء منهم واقوم بتقوريرهم , ولا تقلقوا البطاطس المسلوق لا يزيد الوزن اطلاقا
بعد ذلك اقوم بتعصيج اللحم المفروم ولا اضع على البصل زيت ولكن وضعت اللحم على البصل وقمت بتسويه اللحم على النار مباشره ومش لازم يستوى جدا خليه نصف سواء واضفت عليها ملح وفلفل اسمر وبهارات
قمت بعد ذلك بحشو الخرشوف والبطاطس
قمت بعد ذلك بتحمير بصله فى نصف ملعقه زيت
وخلطت 2 ثمره طماطم ووضعتها على البصل
وتركتها على النار خمس دقائق ثم وضعت الخرشوف والبطاطس وتركتهم لحد ما تسبكت الطماطم والخرشوف استوى
بعد ذلك وضعت الخرشوف والبطاطس فى الفرن
وهذا شكله النهائى
واكلت الطبق مع سلطه :)
يا رب تكون الاكله عجبتكم
