عضوة جديدة

مجتمع رجيم / ساحة مرح
ميسو حياتي
السلام عليكم ورحمة الله وبركاته

كيف حالك دكتوره

انا عضوه جديدة

انا موعارفه طريقة الرجيم انا اختاره او تكتبيه لي

ياليت يكون من عندك لاني ماخليت ولا رجيم الا وعملته


انتظرك بفارغ الصبر

تحياتي
خبيرة التغذية فوز
وعليكم السلام والرحمه
اهلا فيك في البرنامج الذي اتمنى انه يغير فيك للافضل

انا بكتب لك البرنامج على حسب مايناسبك ويناسب ذوقك
اكتبي لي الوجبات اللي تحبيها واكتبي كل شي تفضلي اني ابتعد عنه عند اعداد البرنامج

سنبدأ يوم السبت ان شاء الله

خلال هذي الايام نحضر للبرنامج وتستعدي نفسياً للالتزام والبدء
:)
ميسو حياتي
مرحبا


بالنسبه للاكل اللي احبه تقريبا كل شي ماشاءالله

وخصوصا الارز والباستا والمحاشي

امووووووت بالحلويات وهذي مصيبتي ونقطة ضعفي

على فكره انا اعاني في الاستمرار بالرجيم كوني متزوجه وعندي طفله عمرها 3سنين

اتعب كثير معاهم واكره الرجيم لاني اطبخ لي ولهم


وحابه اعرف كم كيلو راح ينقص جسمي في الاسبوع
خبيرة التغذية فوز
اهلاً ميسو
اتمنى تكوني بصحه وعافيه وبأتم الاستعداد :)

كتله جسمك 29 والطبيعي مابين 20 الى 25
كلها مسئله 10 كجم تقريبا
شويه التزام واخر الشهر ان شاء الله تكوني بأتم حلتك يارب

البرنامج غني بالعناصر الاساسيه لجسمك
غني بكل شي ماعدا السعرات الحراريه والدهون المشبعه الضاره للجسم
ومقسم على اوقات مختلفه في اليوم حتى لاتشعري بالجوع
من السبت الى الاربعاء بيكون نظام
والخميس والجمعه نظام الديتوكس
نظام التخلص من السموم

بنزل لك نظام الديتوكس يوم الثلاثاء القادم كأقصى حد

الان نظام الاسبوع واذا عندك اي رغبه في التعديل او الاضافه لا تترددي


الاسبوع الاول
الفجر : شرب 6 اكواب ماء + ملعقه عسل
اذا لم تستطيعي شرب 6 اكواب ابدئي بكوبين ثم 3 وهكذا هذه الخطوه مهمه جداً

7ص الافطار :
كورن فلكس بالشوفان + كوب حليب منزوع الدسم
او
بيض مسلوق + 2 توست بر + شرائح خيار وطماطم وخس
او
سلطة فاكهه متنوعه او سطلة خضار
او
2 ملعقة لبنه خاليه الدسم + ربع رغيف خبز اسمر
بالاضافه الى شاي الشمر
10ص: لوز أو جوز او بذور دوار الشمس بشرط ان لا يزيد عن 24 حبه
12ظ: مشي لمده 30دقيقه
الغداء :صحن شوربة خضار
أو 4 ملاعق رز بني + دجاج او سمك
سلطه تونا ( خيار+ طماطم + خس + سبانخ + قطرات من زيت الكتان )
بالاضافه الى شاي اخضر بالزنجبيل
4م: عصير خضروات ( خيار - كرفس - بقدونس - نعناع - سبانخ - ربع كوب ماء وليمون لاضافه الطعم )
6م: مشي لمده 30 دقيقه
7م العشاء : خضراوات مسلوقه أو 4 ملاعق فول مع خبز اسمر او شوربه عدس
أو سطلة زبادي منزوع الدسم بالخيار

بالاضافه الى شاي الشمر
9م: عصير خضراوات لاتنسي يكون معها كرفس

واشربي ماء بين الوجبات بكثره
ضروري الالتزام بموعد العشاء
يفضل النوم مبكرا اقصى حد الساعه 11 م


الله يوفقك ويحفظك :)
ميسو حياتي
الف شكر على النظام

لكن اتمنى تتحمليني شوي

7ص الافطار :
كورن فلكس بالشوفان + كوب حليب منزوع الدسم

ماينفع كورن فلكس العادي حتى لو تقللي الكميه او شابوره بر

وياليت تحددي الكميه


بالاضافه الى شاي الشمر

الشمر اغليه واشربه بدون اضافة شاي عليه او سكر؟؟

12ظ: مشي لمده 30دقيقه

المشي ماينفع بوقت ثاني

الغدا :
4 ملاعق رز بني + دجاج او سمك

الرز البني ماعندي انا عايشه بقريه ومافيها رز بني
بس عندي مكرونه بني اشتريتها من جدة

والدجاج والسمك ماحددتي الكميه وياليت يكون في لحم


سلطه تونا ( خيار+ طماطم + خس + سبانخ + قطرات من زيت الكتان )

هل هذا غدا اوسلطه مع الغدا؟ وكم كمية التونا
؟

4م: عصير خضروات ( خيار - كرفس - بقدونس - نعناع - سبانخ - ربع كوب ماء وليمون لاضافه الطعم )

الكرفس مافي بديل عنه لانه غير متوفر عندنا
[color="rgb(153, 50, 204)"] والكميه تقريبا كوب؟؟
[/color]
7م العشاء : خضراوات مسلوقه أو 4 ملاعق فول مع خبز اسمر او شوربه عدس

شوربة العدس كم الكميه؟؟

=============================

بالنسبه للنوم مرتبط ببنتي انام الصباح واصحى الظهر
كيف اسوي



خبيرة التغذية فوز

7ص الافطار :
كورن فلكس بالشوفان + كوب حليب منزوع الدسم

ماينفع كورن فلكس العادي حتى لو تقللي الكميه
او شابوره بر

وياليت تحددي الكميه

ينفع العادي لكن الحليب ياليت يكون منزوع الدسم والكميه مقدار صحن صغير الى متوسط
وينفع شابوره بر عدد 2 الى 3

\\


بالاضافه الى شاي الشمر

الشمر اغليه واشربه بدون اضافة شاي عليه او سكر؟؟

ايوه تضيفي ملعقه شمر وتغليه مع ماء غليه واحده فقط
بدون اي اضافات

\\

12ظ: مشي لمده 30دقيقه

المشي ماينفع بوقت ثاني

المشي ماله وقت محدد انا حطيت لك الوقت افتراضاً
المهم مايقل عن 30 دقيقه في اليوم
\\


الغدا :
4 ملاعق رز بني + دجاج او سمك

الرز البني ماعندي انا عايشه بقريه ومافيها رز بني
بس عندي مكرونه بني اشتريتها من جدة

والدجاج والسمك ماحددتي الكميه وياليت يكون في لحم


مو مشكله يكون رز ابيض بس المهم الكميه
والمكرونه نفس الشي لا يزيد عن 4 ملاعق
الدجاج المشوي اي كميه
والسمك اي كميه بس يفضل مشوي

\\


سلطه تونا ( خيار+ طماطم + خس + سبانخ + قطرات من زيت الكتان )

هل هذا غدا اوسلطه مع الغدا؟
وكم كمية التونا
؟

هذا خيار اخر للغداء
الكميه صحن متوسط والتونا ملعقتين بدون زيت
صفي الزيت جيداً


\\


4م: عصير خضروات ( خيار - كرفس - بقدونس - نعناع - سبانخ - ربع كوب ماء وليمون لاضافه الطعم )

الكرفس مافي بديل عنه لانه غير متوفر عندنا
[color="rgb(153, 50, 204)"]
والكميه تقريبا كوب؟؟

[/color]

الغي الكرفس مكونات العصير مو ثابته
المهم تضيفي 5 انواع خضار على ذوقك وحسب المتوفر

\\


7م العشاء : خضراوات مسلوقه أو 4 ملاعق فول مع خبز اسمر او شوربه عدس


شوربة العدس كم الكميه؟؟

صحن صغير الى متوسط
\\

=============================

بالنسبه للنوم مرتبط ببنتي انام الصباح واصحى الظهر
كيف اسوي


بالتدريج
انتي دايما تنامي مثلا الساعه 7ص وتقومي 2ظ
اليوم نامي 6ص واصحي الساعه 1ظ

بالتدريج حتى بنتك عوديها
لان السهر ضار جدا على الجسم
يعمل لخبطه في توازن الجسم
الانسان مرتبط بالشمس اذا غابت المفروض ينام واذا اشرقت المفروض يشرق معها مو العكس
هذي الفطره ومع الزمن تغيرت فطرتنا للاسف

\\



بالمناسبه انتي كان اشتراكك بدون متابعه
يعني بامكانك تبداي من بكره

بنزل لك نظام الديتوكس في الرد الثاني
واذا عندك اي اسئله او استفسار مهما كانت ياليت ماتترددي
لان الاداره ستقفل الموضوع بعد استلامك للنظام كامل


بالتوفيق :)
الصفحات 1 2  3 

التالي

هههههههههههههههههههه

السابق

اعصري مخك وجيبي كلمه بدون حروف

كلمات ذات علاقة
جديدة , عضوة