كل مايتعلق بوجهي يتطلب مساعده+(الصور)

حبيبتي..انتي مش رح تقدري تتغيري بيوم وليله..بس مع شوية ارادة بتصيري احلى انثى..
ابدي من ملابس نومك..جيبي بيجامات انثوية..وملابس داخلية جميلة تحسسك انك انثى..اشتري كريمات جسم وويدين وكريم وجه..
ابدي بتصفيف شعرك كل مرة بطريقة مختلفة ومرتبة..واحرصى دائما انك تتعطري وتكون ريحتك حلوة واستعملي مزيل العرق طبعا..
اشتري اكسسوارات..مرة تلبسى خاتم او اسوارة حلوة..او عقد ناعم..وحاولي البسي كعب..لانه فيه انوثه..واحرصى على ان يكون صوتك منخفض..ولا تصيحي..ولما تضحكي ما تضربي اجريكي بالارض..ولا تخبطي كف بكف..
امشي مشية انثوية بنعومة وما تسمحي للبنات يعاملوكي كانك الشاب الي بالشلة..
حطي ميك اب..وافضل صديق للبنت هو "ال آي لاينر" , ودائما قبل النوم دهني شفايفك ب فيزالين وجسمك بكريم للجسم ..
شوي شوي..بتبدي تتغيري ..ما تلعبي مع الشباب..وما تتحركي متل الشباب..وما تجلسي متل الشباب..خليكي دائما قدر المستطاع مع نساء العائلة ..وتثقفي من ناحية ميك اب..وفوتي على يوتيوب وشوفي ميك اب للبنات وهاي الاشيا...وبالنسبة للشعر على الوجه..ما تخلييييييه!! روحي شيليه بالحلاوة..ولا مرة تخلي شعر على وجهك..وحواجبك ما تشقريها..خلي كلشي طبيعي
ومع استعمال كريمات الوجه الكويسة ممكن تروح البقع..وازا ما راحت روحي لدكتور الجلد..
كيف تقبلي يضل شعر على وجهك.. ؟ ولا مرة تقبلي..انا كمان بطلعلي شعر اكثر من اللازم بس اشيله طوالي ..
وحواجبي اعملها وازبطها حسب الشكل المناسب لوجهي..وانت كمان هيك لازم تعملي..روحي عند صالون الفتيات الي بعمل حواجب البنات ويرتبها.
حاولي تكثري من اللون الزهري في اكسسواراتك..وملابسك..وغرفتك..او مثلا اللون الابيض..
وازا كنتي محجبة..لا تلبسي دائما الحجاب الاسود..غيري..ابيض..ليلكي..ازرق..وارجو انه اكون افدتك..
بالتوفيق حبيبتي.. واهم اشي اعرفي انه الانوثه اولا نبنيها من الداخل.. :)

بالنسبة لطول الشعر..حاولي تعملي مرة او مرتين في الاسبوع حمام زيت زيتون او خروع..
يعني حطي زيت زيتون او خروع على شعرك من جذوره لمدة ساعة..
والاهم انك تشتري ماسكات للشعر...لانها كتيييييييييير بتفيد..وان شاءالله رح تشوفي بطول بسرعة..
تاج البنت شعرها..

وحاولي تنزل راسك للاسفل وتعمليله مساج يعني تدلكيه ووهاد رح يزيد من مرور الدم مما يؤدي الى حصول الشعرة على ما يكفيها عشان تطول..وطبعا مفش عنى عن اقنعة الشعر..

ولا تنسي متل ما كتتبتلك قبل..تكلمي بنعومة وبصوت منخفض..وكوني مبتسمة وغير عابسة دائما

أول شي مية أهلا وسهلا فيكي حبيبتي بيننا
ثانيا شيلي الصورة الرمزية اللي حاطتيا وحطي صورة تانية رقيقة وحلوي
لأن لازم تقتنعي بالتغيير وتغيري من حالك وتبتعدي عن كل أشكال الاهمال والبشاعة
شوفي حبيبتي
غيري نفسك من جوا
قعدي مع حالك جيبي ورقة وقلم حطي خط بنصف الورقة بالطول على اليمين حطي الأشيا اللي انتي تكرهيها بنفسك
وعلى اليسار حطي الشيا اللي انتي تحبينها بنفسك سواء كانت بالشكل أو المضمون
اعملي على حذف السلبيات أو تجميلها
واعملي على تحسين الايجابيات
نحنا أخواتك هون أي شي بدك نساعدك فيه نحنا جاهزين
لا بد إنو أخوانك كلهم شباب ما عندك أخوات بنات مشان هيك انتي متأثرة بخصائلهم
لذلك لا تجلسي مع الشباب كتير خصوصي لو كنتو باجتماع زي ما قلتي
لأن أحاديثهم طبعا ما بتهمك أبدا وما بتزيد أنوثتك بالمرة
حاولي تتعرفي على رفقات بنات وتشوفي اهتماماتهم كلها
حاولي تكتشفي هواياتك وانك انسانة رقيقة لأن ما في أنثى ما تكون رقيقة والدليل على رقتك إنك اتضايقتي لما قلك هيك أخوكي
حاولي تهتمي بشعرك وتاخدي فيتامينات حتى يطول اسألي أخصائية بالموضوع
حطي عطور بالبيت حطي ماكياج اهتمي بإزالة الشعر من كل جسمك واستعمال أي كريم حتى لو كان كريم جونسون للأطفال لكن لو رحتي أي صيدلية أو مركز تجميل حينفعوكي كتير
اعتبري خلص انك نويتي تتغيري وأي مساعدة ربي يقدرني إني ساعدك وفرحك يارب