رد: يومياتي مع الجسم الدرقي
 

مع الدوخة اللي كانت بالصبح
جالسة أقرأ إن شاي أوراق التوت يشبع ويزيل الشعور بالغثيان ويصغر حجم المعدة وطعمه حلو
اشتهيته بقوة مع إني ما أعرف طعمه

أبيييييييييه
وين أحصله !

رد: يومياتي مع الجسم الدرقي
 

اتصلت على عطار المرواني قالوا مو متوفر حاليا بس اتصلي علينا بعد أسبوع

طيب ننتظر أسبوع وأمرنا إلى الله

قبل شوي أقرأ إنه يشبع ويسد النفس عن الحلويات والسكريات
تخيلت طعمه فيه مثل طعم الحلى
أبييييييه الحين تهؤ تهؤ

رد: يومياتي مع الجسم الدرقي
 

عرفت الدوخة والضعف والألم من وين
من حبة الفيتامين اللي تعشيت فيها أمس مع كاسة حليب

المفروض الفيتامين هذا ما ينوخذ إلا بعد وجبة محترمة مو كاسة حليب بس

اللي حصل إن بطني جالس يحاول يهضم في هالحبة وأنا نايمة وعصر عليها عصارات الدنيا عشان تنهضم ولا انهضمت
مما أدى لآلام شبيهة بالقرحة وترتب عليها دوخة وشعور بالضعف

اليوم وأنا أتغدى ونزل ليمون وخل السلطة في بطني عورني بطني
مع إن مو العادة إن الليمون والخل يعورون بطني
فعرفت إن عندي شي زي القرحة

وبعد ما خلصت السلطة جاني شعور إسهال قوي
ورحت الحمام ومشى بطني ولقيت حبة الفيتامين طالعة بكبرها وذايب جزء بسيط منها

والحمد لله ارتحت شوي بس ما زال في ألم بسيط ببطني

تغديت اليوم سلطة مع سمك

وابتداء من بكرة باكل حبة الفيتامين بعد وجبة الغداء .. لأنها أكبر وجبة

رد: يومياتي مع الجسم الدرقي
 

شربت قبل شوي كوب حليب عشان أعادل الأحماض في بطني

مع إن ما يصلح حليب مع سمك .. يجيب البهاق .. بس بهاق أرحم من قرحة
وإن شاء الله ما يجيني شي

طيب والحل ؟

ممكن زيادة على موضوع حبة الفيتامين إني آكل سلطة مكوناتها غير مطبوخة وهذا اللي يزيد إفرازات المعدة

تتوقعون الحل يكمن في شاي أوراق التوت ؟!

رد: يومياتي مع الجسم الدرقي
 

بكرة إن شاء الله عشان ما تجيني حموضة
بلغي الليمون والخل والبصل من السلطة وفي المقابل بكثر من الخس

بنام بعد الوجبة بأربع ساعات عشان ما ترتفع أحماض المعدة للمريء أثناء النوم وتسبب الحموضة

رد: يومياتي مع الجسم الدرقي
 

طلبنا سمك مشوي في السوق وتعشينا منه
السمك كان فيه لزوجة .. مدري هي دهن أو هو كذا
مع إني حرصته لا يستخدم دهن ولا زبدة