رد: يومياتي مع الجسم الدرقي
 

الحمد لله اليوم أشوى من أمس .. اختفى شعور الحموضة .. خصوصا بعد ما شربت ماي ونمت بعد الوجبة بثلاث ساعات وما خذت فيتامين

ووزني نقص كيلووووو .. الحمد لله يا رب

ودي أروح محل آلات رياضية وأشتري لي آلة تشد الجسم وتحرق السعرات وتنزل الوزن

أفكر بالأوربت راك

بس اليوم جمعة ويقفلون

بشوف إذا في إمكانية بكرة*

رد: يومياتي مع الجسم الدرقي
 

فطرت نفس فطور أمس
بيض أومليت وزبادي وفلفل رومي

لأن قرأت إن من أسباب الحموضة إن الوجبات تكون صغيرة مرة ووجبة وحدة تكون كبيرة وهذا غلط
المفروض تكون كل الوجبات مو صغيرة مرة ولا كبيرة مرة .. يعني يتم توزيعها بالتساوي

رد: يومياتي مع الجسم الدرقي
 

لاحظت الحبوب ببشرتي تطلع من ثلاثة أشياء أو أربعة

أول شي أكل أي شي فيه زبدة أو زيت
ثاني شي قلة الحركة والرياضة
ثالث شي الإمساك والأكل اللي يقعد ببطني فترة طويلة بدون ما يمشي
رابع شي واللي اكتشفته مؤخراً هو الحموضة ! لأن مو بالعادة تجيني حموضة
فلازم أشرب ماي بالأوقات المناسبة لشرب الماي وأقلل من أي شي يسبب الحموضة

عدلت على المشاركة الأولى بناء على الأخطاء اللي تم ارتكابها باليوم الأول والثاني

رد: يومياتي مع الجسم الدرقي
 

فقرة رياضة شد البطن
أمس وقفتها عشان قلت بسويها يوم وترك لين أتعود عليها

رد: يومياتي مع الجسم الدرقي
 

سويت باقي التمارين على صوت علاء وردي بمقطع
Alaa Wardi - Ma3gool

وبدأ العد التنازلي
صار الهدف الآن التخلص من 8 كيلو

رد: يومياتي مع الجسم الدرقي
 

أمس بابا جايب سمك طازج فتغديت اليوم سمك بعد .. عشان وهو طازج يصير طعمه ألذ
+ سلطة بدون بصل ولا ثوم ولا ليمون ولا خل .. صار طعم السلطة عاااادي وما فيها نكهة وأحس غصبت نفسي أكملها .. بس عشان موضوع الحموضة اللي تكلمت عنه قبل
+ حبة فيتامين وجغمة ماي صغيرة بلعت فيها الحبة