20 نصيحة لبداية الزواج ولازم تستمرى عليها يا عروستنا
مجتمع رجيم / العروسة
كتبت :
القلب المغلق للصيانه
-
1- حطى تحت مخدتك حبة نعناع او لبان وأول ما تصحى من النوم حطيها فى فمك وأمضغيها هيكون ليكى نفس منعش وجميل ودا مهم سواء فى أول ايام الزفاف أو بعد كدا
وعودى زوجك انه يشم منك ريحة جميلة دايما
2- طبعا متنسيش غسيل الأسنان يوميا عشان تمنعى اصفرار اسنانك وتسوسها
اللى بيديكى مظهر لأسنانك مش كويس
3- اللانجريهات الخاصة بيكى ( قمصان النوم ) أوعى تغسليها فالغسالة
حطيها فى أى وعاء بلاستيك فيه ميا ومسحوق غسيل وتغسليهم بأيديكى الحلوين عشان الغسالة بتبوظ اللانجريهات فى وقت قليل جداا
4- ياريت زوجك ميشوفش اللانجيري المغسول بتاعك او اى ملابس داخليه مغسولة خاصة بيكى يعنى تغسليهم وتنشريهم على المناشر الموجودة عندك فالتويليت وتشيليهم قبل ما ييجى من شغله
وأتعودى ان زوجك ميشوفش هدومك الغير نظيفة أبدا
5- شعرك فأول فترة الجواز أكيد هيتغسل كتير وهيتهلك فعشان يكون شكله أفضل من غير سيشوار وتلف زيادة بعد الغسيل نشفيه وحطى كريم تصفيف للشعر ولفى خصلات شعرك على ايدك فهيبقى كيرلى وأهو منه تغيير
6- مكياج البيت لازم يكون خفيف والافضل يكون هو روج هادى وكحل وممكن بلاشر
7- متكتريش من البرفانات واشترى الأحجام الصغيره عشان الملل يعنى مثلا اختارى الفواكه والعطور الخفيفه بالنهار
والتوابل والعود بالليل دا( أكيد فالبيت بس )
8- الأهتمام بالنظافة الشخصية مهم جدااا وانك تغيرى ملابسك الداخليه مره او مرتين فاليوم دا برضو مهم , والأستحمام اليومى فالصيف مهم جدااااااا
9- ترطيب بشرتك بكريم مغذى وتكون رائحته خفيفة
10- تجنبى رائحة العرق خاصة فى منطقة الابطين ومهم انك تشمى رائحتك كويس وتكونى عندك القدرة على تمييز وجود رائحة كريهة فتتخلصي منها بسرعه ,, وبتتخلصى منها باستخدام مزيل العرق الخاص بيكى
11- اوعى جوزك يشوفك وانتى بتزيلى شعر جسمك ,, بعض الرجال يتقزز من رؤيه زوجته فهذا الوضع ,, يعنى قومى بأمورك الخاصه فعدم وجوده
12- احذرى يرى زوجك فوطتك الصحيه أثناء حيضك !!
( يعنى كيس بلاستيك اسود يكون معاكى ,, وتحطى فيه الفوطة وعلى سلة المهملات علطول ,, وتقفليها كويس عشان ميطلعش عليها عامل القمامة وتكون عيبا على البنت وبعدين الزوجة
ومتنسيش تتأكدى ان قاعدة التويليت نضيفة وخليه من اى أثر )
13- تهتمى بكعب رجليكى ومتمشيش حافيه وتهمتى بأظافر رجليكى زي ايديكى بالظبط
أتفقنا يا عروسة
14- جهزى الطعام لزوجك قبل حضوره ,, يعنى ميجيش يلاقي حضرتك حايسه ومش عامله الأكل هيقولك على بيت ماما
15- حضرى نفسك قبل ما ييجى من الشغل بطقم جميل من غير لا ريحة بصل ولا توم ولا شعر منكوش
16- حضري السفرة بشكل بسيط وتقعدى مع زوجك و تاكلي معاه حتى لو شىء بسيط اذا كان بيرجع متأخر من شغله .
17- لما يرجع من شغله وكنتى انتى فالمطبخ ,, اخرجيله واستقبليه بأبتسامة جميلة وسلمى عليه بأشتياق وعانقيه ..
وكونى واثقه لما الرجل يشعر بالهدوء و الراحة في بيته و يزيد عليه ان زوجته حابه انها تشوفه معها هيقعد في البيت معاكى و مش هيخرج منه ابدا الا للضرورة
18- احرصي على رشاقتك و اياك و اكل الشيكولاته و الحلويات بسبب الملل ولومش وراكى حاجة اقرئي او اجلسي على النت , او اشتري جهاز رياضي و اشتغلي عليه لكن متسيبيش نفسك للاكل طوال النهار لان في خلال 3 اشهر من الزوج هيزيد وزنك و سيصعب عليك انقاص وزنك خاصة اذا حدث الحمل
19- لن اوصيك على اهمية حفظ اسرار الزوجية و عدم الحديث مع الاهل و الصديقات عن تفاصيل حياتك الزوجية خاصة الخاصة
20- ايضا لا داعي لقص و تغيير لون شعرك في بداية الزواج و خليها مرحلة لاحقة على الاقل بعد حملك وولادتك الاولى وكوني ذكية في ادارة حياتك الزوجية و لا تستنفذي كل افكارك و مخططاتك الرومانسية و تكتيكاتك الشكلية والا انتهت و فضلتى تدوري و تبحثي و تسألي " مين ينجدني بليلية رومانسية اصلي خلصت و عملت كل شىء !! " فقط كل فترة لتجديد الحب وحتى تكونى دائما متجدده ومفاجئة زوجك باجمل اشياءك
ندعى لبعض يا بنات بظهر الغيب ربنا يرزق بنات المسلمين بالزوج الصالح والذريه الصالحة
