البيتى فور للعيد (للمسابقه)
مجتمع رجيم / ركن الحلويات
كتبت :
يالذيذ يا رايق
-
كل سنه اونتم طيبين
انا عملت البيتى فور انا واختى جوجو
يارب يعجبكم
المقادير
-كوب زبده
-كوب وربع دقيق (ممكن نحتاج زياده على حسب نوع الدقيق)
1/2 كوب سكر بودره
-بيضه او بضتين
حسب ماتلاقى العجينه محتاجه للبيض علشان تبقى طريه
-معلقه صغيره فانيليا
-معلقه صغيره بودر
البيتى فور للعيد (للمسابقه)
التحضير
نخفق الزبده مع السكر
ونكسر بيضه
ونحط البودر والفانيليا
وبعدين نحط الدقيق
انا خليت العجينه طريه شويه
علشان انا حطيتها فكيس الحلوانى
وشكلت زى ما انا عاوزه
وحطيت على حته عجينه شويه كاكاو
وقلبتهم كويس
شكلها حلو صح
وبعدين ارتاحت ربع ساعه
ودخلتها فالفرن
بعد ما استوى
تعالوا بقى نزينها
جبت شوكولاته وسيحتها
ودهنت واحده بالشوكولا
وقفتها بالتانيه عليها
ودهنت نصفها شوكولا
وحطيتها فجوز هند
وممكن تحطبها فى فرماسيه(بس ماكنش عندى)
وبالف هنا
يارب تعجبكم