أحلى سندويتش شيش طاووق لبنات رجيم
مجتمع رجيم / المعجنات و الحلويات
كتبت :
مسلمة
-
امبارج عشيت جوزى ( مع ايقاف التنفيذ
)سندويتشات شيش طااوق قلت أصورها واوريهلكم يمكن تعجبكم و المرة دى صورتها بكاميرا ديجتال مش بالموبيل علشان تبان اوضح 
المقادير
صدر دجاج مقطع إلى مكعبات متوسطه
ربع ملعقة صغيرة من كل من الملح والفلفل الاسود ورشة كركم ونص مكعب ماجي ونص علبة زبادى
خبز توست طرى 8 شرائح تقريبا
شرائح من الفلفل البارد والطماطم والبصل والخس
الطريقه
أول خطوه خلطت الزبادى والبهارات ومكعب الماجي وبعدين يا بنات حطيت الدجاج للخلطه وخلطتة كويس قوووىو تركتة مغطى في الثلاجه لمدة نص ساعه
وثاني خطوه حطيتهم في أعواد خشبيه وقليتهم في 3 ملاعق زيت ذره على نار متوسطه فى طاسة تيفال بس يا بنات متسيبهوش كتير علشان مينشفش
بعد ما أستوى طلعتة من الاعواد الخشبيه وقطعتة شرائح زى الصورة كدا ( أحلىأختراع الصور بتوضح كل حاجة )
بعدينيا ستى دهنت شرائح التوست (بتاعة الرجيم
) بالمايونيز او لو حبيتى اى صلصة تحبيها
وحطي عليه شوية سلطة
و بعدين الشيش طاووق
وبعدين حطي عليه الشريحه الثانيه وأضغطي عليه شوية وقطعيه زى مأنت عاوزة
و بالهنا و الشفا مع تحيات الشيف مسلمة
