تعرضت للاجهاض ثم عوضك الله؟
مجتمع رجيم / الحمل و الولادة
كتبت :
فرح1979
-
السلام عليكم ورحمة الله وبركاته.. (الي مرت بتجربة اجهاض ثم عوضها اللله بلحمل.. أفيدونا)
صباح الخير لمجتمع ريجيم الراقي..
أرجو منكم اخواتي الغاليات الي عندها نفس التجربة وتعرف حد مر بهل تجربة تفيدني وتفيد غيري..
أنا تعرضت لتجربة اجهاض في أول زواجي.. وعندها انا ماراجعت دكتورة ولا حللت دم عند الحمل ولا عملت (صورة) الا لما شفت الدم بلأسبوع السادس.. وبعدها صار الاجهاض وما عرفنا السبب
هلأ ولله الحمد والفضل والمنة الله عوضني بلحمل بعد انتظار..
عملت كشف منزلي.. يعني لساني بالشهر الأول..
شو بتنصحوني..
هل لازم روح الدكتورة من هلأ. عشان ما يتكرر الاجهاض؟
رجاء لا تبخلو علي بأي نصيحة او اجراء او احتياطات لازم اعملها.. ما بدي تتكرر التجربة.. وانشاءالله ما حدا بمر بتجربة اجهاض يارب
انا موظفة.. واقضي تقريبا اربع ساعات ذهاب واياب في السيارة فهل هذا مضر؟
بنسبة لشغل البيت.. لأني سمعت كتير بلمنتدى نصايح للحامل انها ما تتحرك وتستلقي؟؟ فهل هذا لازم؟
وازا رحت للدكتورة.. هل لازم ساوي صورة من البداية او استنى؟.. وشو التحاليل الي لازم اعملها لحتى اتأكد من الحمل قوي؟
ارجو ما كون طولت عليكون.. واكيد اخواتي حاسين فيني..
يارب يحفظ حملي ويتمم على خير.. ويعوض كل مين تعرضت لاجهاض بذرية صالحة عن قريب ويحفظ حمل كل حامل وتقوم هيه والمولود بسلامة التامة.. ويرزق كل المسلمين بالذرية الصالحة والخلقة التامة.. آمين
بانظار نصيحتكون.. والله يجعلها بميزان حسناتكون..
اختكم فرح