[align=center]
اهلا فيكي حبيبتي
سلطة الباذنجان تقدم بعدة طرق
منها المقليه متل ما حكتلك الاخت
او الطريقه التانيه وهيه المشويه
تشوي الباذنجان بالفرن وتهرسيه منيح
وبعدين تحطيله بقدونس مفروم ناعم وتوم وزيت الزيتون
وليمون وطحينيه وملعقة لبنه
وتخلطيهم كويس وتقدميه بالعافيه
وكمان فيه طريقه تانيه وهيه طيبه وتسمى سلطة الراهب
وهيه بينشوى الباذنجان لحتى يستوي
وبعدين تقشريه وتفرميه قطع بواسطة السكين او تفتيت بالشوكه
وتفرمي معاه فلفل رومي بارد وتضيفي التوم والزيت وقليل من من البندوره مقطعه صغير
وسماق كميه وفيره لازم يكون واضح في هاد الطبق
وطبعا الملح وتخلطيهم منيح وتقدميهم بالعافيه
بتمنى اني اكون افدتك
وعلى فكره كل طريقه احلى من التانيه
[/align]
