انا فرحانه جدا جدا لاني بشارك اليوم في اطباقنا الخاصه وحصريا مع سماء الابداع
اليوم هنعمل غريبه بالكاكاو وان شاء الله تعجبكم يااجمل شيفات
اولا نبدا بالمقادير
كوب زبده
كوب الا ربع سكر مطحون 3معالق كاكاو 3 معالق نشا دقيق منخول وطبعا الدقيق حسب الحاجه تضيفيه شويه شويه الطريقه نضع الزبد والسكر المطحون ونقلبهم بالمضرب كويس جدا نضع الدقيق والنشا هنقسم العجينه جزئين جزء هنتركه زي ماهو والجزء الاخر هنضع عليه الكاكاو ثم نقلب كل جزء علي حده وكل مازدنا مده العجن كل ماكان افضل وهيبقي بعد العجن بالشكل ده
ثم نكورهم بايدينا ونضعهم في صينيه مدهونه بالزيت بالشكل ده وطبعا هنعمل كريات صغيره ونضعها ع الوش زي اللي في الصوره وبعدين ندخلها فرن ساخن علي نار متوسطه ونتابعها علشان لونها مايتغيرش وهنا بعد ماطلعناها من الفرن
وطبعا مش عايزه اقولكم علي اللي بالكاكاو طعمها راااااااائع عجبتني اكتر من العاديه اتمني مشاركتي تعجبكم ولو في اي نصيحه ممكن تقدمموهالي في اي شئ فاهلا ومرحبا بكم اختكم فطومه
وطبعا احب اشكر بنتي عائش لان هي اللي خلتني اكتشف ان عندي وصله موبايل ههههههههههه
ويلا مستنيه ردودكم ياقمرات
كتبت :
فوفو 2002
-
تسلم ايدك يا فطومه كان نفسى اعمل الغريبه
من زمان ان شاء اله اجربها
انا هحط الصفحه فى المفضله كمان
كتبت :
زهره الاسلام
-
الله الله فطومه
ايه الجمال ده
تسلك الايادى حبيبتى شكلها يجنن
انا بحب اى حاجه بالكاكاو واكيد طعمها كلها روعه من ايدك
وما دام طلعتى شيفه متميزه حنكون فى انتظار المزيد من وصفاتك الرائعه :)
كتبت :
فطومة محمد
-
تسلمى يافوفو ياقمراتمنى تعمليها وتعجبك ان شاء الله ياغاليه
نورتيييييييييييييييييييييييييييينى
كتبت :
سمرا مصر
-
شكلها حلو جدا واكيد طعمها احلى
يلا بينى كل الابدعات والمواهب الحلوة فى عمل الحلويات ومنتظرين المزيد منك يا قمر
كتبت :
فطومة محمد
-
ايييييه ده مين عندنا زهووره لالالالالالالا مش ممكن
شكرا علي دخولك موضوعي ده شرف لي حبيبت قلبي زهوره
وشكرا ع الكلام الحلو اللي كتير قوووووي عليا ده ياقمر