قبل ما الحمله ماتخلص تعالوا الحقوا القرص الطريه
مجتمع رجيم / ركن الحلويات
كتبت :
غدور
-
اخواتي الحبيبات رغم اني نزلت ال3 مواضيع الخاصه بالحمله
لكنت قلت اعمل موضوع علي الماشي زياده
يمكن موضوع ما يعجبكم ولاحاجه فتحطوا ده بداله
مين فينا مابيحب يفطر فطار خفيف او حتي يتعشي عشا خفيف
قطعه جبن او مربي مع كوب شاي وقرصايه علي السريع
انا شخصيا بأحب النوعيه دي من الفطار جدا
عشان كده اليوم قلت انزل طريقه عمل القرص الطريه اللذيذه اللي ريحتها بس تخليكي تاكليها بدون اي شئ معاها
والطريقه سهله جدا ان شاء الله
المقادير
كيلو دقيق
نصف كوب لبن رايب
ربع كوب زيت
8 ملاعق كبيره قشطه
2 ملعقه كبيره بيكنج باودر
ملعقه كبيره سكر
ذره ملح
2 ملعقه كبيره سمسم او حبه البركه
كيس خميره فوريه او قطعه خميره
الطريقه
ندوب السكر والخميره في ربع كوب ماء دافئ ونتركها حوالي ربع ساعه
ثم نخلط كل المقادير الجافه معا ونضيف الخميره والزيت والقشطه وندعكهم جيدا بالدقيق
بعدها نضع اللبن الرايب تدريجيا حتي تتكون لدينا عجينه لينه لاتلتصق باليد ولا بلااالاناء
نتركها حتي تخمر ويتضاعف حجمها في مكان دافئ
ثم نشكلها علي شكل اقراص في صاج الفرن
نغطيها نتركها لتخمر مره اخري حوالي نصف ساعه
تخبز في الفرن علي درجه حراره متوسطه حتي تنضج من تحت بعدها ممكن نحمر الوجهه علي الشوايه
وتقدم كأحلي افطار
وبالهنا والشفا
يارب تعجبكم
وماتنسوني بالدعوااااااااااااااااااات
