مجتمع رجيم - عرض مشاركة واحدة - تابع عندى مشكلو ومش لاقيلها حل

كتبت : عليا2010

[align=justify]شكراً جزيلا دكتورة على إهتمامك
لكنى والله حاولت معهم بقالى سنة ونص وهما مقاطعين بعض وكل ما أحاول أقرب وجهات النظر بلاقى خناقات وكلام مالوش لازمة عن الطرف الآخر
أنا دلوقتى بيجيللى أحلام وكوابيس مزعجة وبقيت كثيرة الشك بهم
بقيت بشك إن زوجى بيخوننى بمنزل الزوجية أثناء غيابى وإن أهلى عاوزين يخربو عليا بيتى علشان قبل الزواج مكانش فى حد شايل البيت قدى
تفكيرى بقى مشوش وبميل للعزلة وكثرة النوم لدرجة اننى ممكن أصحى 4 ساعات بالكتير فى الـ24 ساعة
وعندى رعشة غريبة فى جسمى بتجيللى لما حد بيزعقلى أو بس بيشد معايا فى الكلام
وبحس دايما ان زهنى مش حاضر وبسرح كتير لدرجة ان الأكل ممكن يتحرق قدامى وما أخدش باللى وأى حاجة بعملها فى حياتى بعملها بمنتهى الملل
وأمنية حياتى أنى أبعد عن كل اللى حواليا وأعيش فترة بعيد فى مكان ميعرفهوش حد وميتصلش بيا حد نهائى
ودايما عندى الإحساس بالبرد القارس فى عز الصيف لدرجة إن فى عز الصيف بلبس كذا حاجة صوف
ودايما درجة حرارتى مرتفعة بدون داعى
أرجو الإفادة ومعلش إذا كنت طولت على حضرتك دكتورة
جزاكى الله كل خير [/align]