الموضوع
:
عندك اوربت تراك او دراجه ثابته ومليتي منها لاحساسك ان مفعولها بطيء..؟ لااااااء تعالي هنا...
عرض مشاركة واحدة
كتبت : ^مون^
-
عندك اوربت تراك او دراجه ثابته ومليتي منها لاحساسك ان مفعولها بطيء..؟ لااااااء تعالي هنا...
بسم الله الرحمن الرحيم
السلام عليكم ياوردات قبل لا ادخل بالموضوع امانه عليكم تجربون اللي بقوله لمدة اسبوعين من ثلاث الى خمس مرات بالاسبوع وبعدها ادعولي..
تدرين انه من افضل الرياضات رياضة الدراجه الثابته لحرق الدهون؟! وبقولكم ليش بس بعد شوي
تدرين انه كافي تمارسينها باليوم (ومو كل يوم 3 الى 5 مرات بالاسبوع) 20 دقيقه فقط لاغير
اي بس بشرط تتبعين الخطوات التالية بحذافيرها .. احم احم
اولا.. تقعدين على الدراجه الثابته او الاوربت تراك وعينك على شاشة الوقت.
ثانيا والخطوة الاهم في الموضوع كله انج بسم الله تبدين 12 ثانيه تلعبين عليها سرعه عاديه بعدها 8 ثواني بسرعه (اسرع ما عندج بس مو لدرجة انج تطيحين لا ديري بالج) ووراها 12 ثانيه عاديه و 8 ثواني سريعه 12 سرعه عاديه و 8 سريعه (ولاحظي عاديه مو يعني بطيئه) وهكذا الى ان تكملين ال 20 دقيقه.
طيب ليش نسوي جذي؟؟؟؟؟؟؟؟
الحين برد على السؤال اللي فوق بس لاااااا قبلها راح تشوفين جسمك شلون تصير فيه حرااااااره وتعررررررررقين
اي وليش نسوي جذي وليش الدراجه من احسن التمارين لحرق الدهون لان احنا بهالحركه ننشط الغده الكظريه اللي فوق الكليتين مباشره (اللي بالمدرسه علمونا نفس الطربوش فوق الكليه) وتنفرز هرموناتها أكثر
اللي تكون وظائفها :
طبعا فيها فوائد يااااااماااااا بس من اهمهم واللي يهمنا احنا بهالموضوع شوفي
* خفض مخزونات جميع خلايا الجسم من البروتينات الهامة داخلها، وزيادة حرقه لتوليد الطاقة.
* تحث هذه الهرمونات الكبد على انتاج المزيد من الجلكوز من خامات أولية مثل الأحماض الأمينية وتخزينه في الكبد على هيئة جلايكوجين بشري، حتى تحين ساعة الطلب لتحويله ونقله للدم في صورة جلوكوز طبيعي.
* تثبط هذه الهرمونات دخول جلوكوزالدم إلى داخل الخلايا.
* تزيد من معدل تحريك الأحماض الدهنية الحرة أي (غير المشبعة) من مخازنها في الأنسجة الدهنية إلى الدم.
وان شاء الله باذن الله بتشوفون نتاااايج رووعه ياربي ..