انا قررت اعطيكم كل يوم وصفة خفيفة متأكدة انكم رح تحبوها واليوم رح اعطيكم وصفة باستا خفيفة ولذيذة جدا ممكن تاكلوها لما تعملو دجاج مشوي وممكن تاكلوها لحالها

المقادير:
كيس واحد سباغتي تسلق حتى تصبح جاهزة للأكل وفيها قرشة خفيفة

نصف كوب زيت زيتون
علبة فطر معلب مقطع او غير مقطع أو ممكن فطر طازج لك الخيار
ملح وفلفل اسود حسب الرغبة
ورق ريحان مفروم
زعتر أخضر ناشف أو اوريغانو
فصين ثوم مفروميين ناعم
بصلة وسط وفرومة ناعم

الطريقة:

بعد سلق الباستا نضع عليها نصف كمية زيت الزيتون

نحمي النصف الاخر من الزيت ونقلب البصل والثوم 7 دقائق حتى تطرا ولا تصبح بنية سوتيه يعني

نضيف الفطر والاعشاب والملح والفلفل ونقلب مدة 3 دقائق

نسكب الخضار على الباستا

تذكري مسموح تاكلي شوي مو كتير ..... والف صحة وهنا وبكرة بنلتقي بوصفة جديدة

جربوها وخبروني شو رايكم