السلام عليكم ورحمة الله وبركاته

معاكم أختكم سارة عمري 18 سنه حبيت افضفض معاكم وانا واثقة بالله ثم بمنتداكم أنكم هتساعدوني

أنا شابة أعاني من زيادة الوزن لدرجه انو وزني ماشالله 118.5كيلوو وطولي 160 فقدت ثقتي بنفسي وصرت احس لما اخرج انو عيون الناس تلاحقني صح أني محبوبه من اهلي وصحباتي بس هادا الشي ماساعدني على تخفيف

وزني والله يابنات استحي اخش محل أخاف مالقة مقاسي لازم كل يوم أتخيل أني نحيفه وحلوة واقدر أتحرك كيف ببيكون شكل حياتي بس ده كلو خيال الواقع مرة مر المصيبة انو الجامعه بعد 3 شهور وانا مابغى اروح كده

ادري لو رحت كده هتعقد نفسيتي تعبانه وكل شي فيني تعبان أتأمل صوري وانا عمري 4 و6سنين قد إيه كنت حلوة ورشيقه بس دحين اكره اطل في المرايه نفسي احد يساعدني ويكون معايا يتابعني ويشجعني ويديني حافز

وآمل انو أنا لسه اقدر انحف وربي كل كلمة طالعه من اعماق قلبي كلي امل أنكم تساعدوني وتدوني ريجيمات عشان ارجع نحيفه ووحلوة وأوصل لوزن 60 اسأل الله ليكم التوفيق واتمنى أنكم ماتمرو بنفس حالتي

وفي النهايه أملي برب العالمين كبير

*