الموضوع
:
زعلانه .... مكتئبه ..... مخنوقه ... يبقى موضوعى ليكى
عرض مشاركة واحدة
كتبت : القلب المغلق للصيانه
-
زعلانه .... مكتئبه ..... مخنوقه ... يبقى موضوعى ليكى
مادام دخلتي الموضوع يبقي ....
مودك وحش ؟
مكتئبة ؟
مضغوطة ؟
طيب تعالي
عندي الحل بإذن الله
اول حاجة شوفي الفيديو
http://www.safeshare.tv/w/DHEWtAoxhA
تاني حاجة تابعي المشاركات الجاية
حتلاقي الحل العلمي وبناءً علي نظريات علمية وأحدث إكتشافات علم النفس
وحتعملي إعادة شحن لنفسك بطاقة إيجابية
اول حاجة حنعملها تغييرات في البيت
لأ متخافيش مش حنغير العفش
ولا حتبيضي الشقة
لا حنعمل تغييرات بسيطة لكن مهمة لإزالة الإكتئاب
النظريات العلمية الحديثة بتقول اننا لما بنكون في مكان هاديء ووسط أشخاص بنحبهم ونحترمهم كل ما حسينا بالراحة النفسية والهدوء
وكل ما كنا في حالة نفسية كويسة كل ما كانت قرارتنا افضل مما يساهم في نجاحنا والوصول للسلام النفسي
يعني ميبقاش في قلق ولا شد عصبي
حتدي لنفسك ميعاد
ايوه متستغربيش
وتقعدي في مكان هاديء في البيت لمده 10 ق
بس
ميكونش في تليفزيون ولا كومبيوتر ولا راديو ولا تليفون ولا موبايل
عيشي 10 دقائق في حلم جميل
مش كتير عليك
متقوليش البيت والعيال والشغل
والحجج دي
10 دقائق مش كتير عليك في اليوم
تستاهليهم والله
حيدوكي طاقة إيجابية وراحة نفسية حتنعكس علي تعاملك مع زوجك ووأولادك إيجابياً
إن شاء الله
الشمس النعمة اللي إحنا مش حاسين بها
الدراسات العلمية اثبتت ان اكتر حاجة ممكن تحسن المود هو التعرض لضوء الشمس
أشعة الشمس بتساعد علي إفراز هرمونين مهمين
الإندروفين والسيترونين وهما الإتنين بيأثروا تأثير كبير علي الحالة النفسية والروح المعنوية العالية
لازم تاخدي جرعة شمس كده حلوة كل يوم
تطلعي تقعدي شوية في البلكونة ...
أو تنزلي تتمشي في الشمس براحتك
وفي البيت اهم مكانين يتعرضوا للشمس حجرة المعيشة والمطبخ
الشمس لما تدخل المكانين دول اللي هما اكتر أماكن بتقضي فيها يومك ...ده حيحسن مودك
النباتات الخضراء بهجة للعين وراحة للنفس
في دراسة حديثة اثبتت ان وجود نباتات منزلية بيقلل من معدل القلق و الشعور بالإرهاق والكأبة عند اصحاب البيت
يعني من الاخر خلي الدنيا ربيع والجو بديع جوه البيت بأصيصين زرع كده حلوين
النباتات اللي زهرتها لونها احمر او بمبي بتدي شعور بالحماسة والإقبال علي الحياة
لو حاسة بالإكتئاب
ممنوع ممنوع تحطي اي اجهزة في غرفة نومك
التليفزيون يتشال من غرفة النوم
التليفون يتشال من غرفة النوم
مفيش مكالمات قبل النوم بساعة
ومفيش تليفزيون فبل النوم بنصف ساعة
وإنتي راجعة من برة اول ما تفتحي باب الشقة بتلاقي إيه ؟
الدنيا علي بعضها ؟ ولا رايقة ؟
الدراسات العلمية بتقول لازم باب الشقة ميكونش وراءه حاجة يعني يتفتح للأخر
ويكون في المدخل حاجة بتحبي تشوفيها مش حاجة بتضايقك ولا تعصبك
مدخل الشقة هو مدخل الطاقة الإيجابية لبيتك ...
لو سمحتي وسعي للطاقة الإيجابية خليها تدخل بيتك وحياتك
المرايات بتدي إيحاء بان المساحات اكبر من الحقيقية
وبتضاعف من تأثير الإضاءة
بس خلي بالك متحطيش التسريحة وتكون مرايتها موجهة ناحية السرير ...ليه؟
المرآة بتعكس الطاقة ومكانها قدام السرير حيخليكي متناميش كويس وتصحي تعبانه كأنك منمتيش
✫¸.•°دعاء الكرب✫¸.•°
لا اله الا الله العظيم الحليم لا اله الا الله رب العرش العظيم لا اله الا الله رب السماوات السبع ورب العرش الكريم
✫¸.•°دعاء البلاء والغم✫¸.•°
لا اله الا انت سبحانك اني كنت من الظالمين
✫¸.•°دعاء لمن اصابه هم او حزن✫¸.•°
اللهم اني عبدك ابن عبدك ناصيتي بيدك ماض في حكمك عدل في قضاؤك اسالك بكل اسم هو لك سميت به نفسك او انزلته في كتابك او علمته احدا من خلقك او استاثرت به في علم الغيب عندك ان تجعل القران العظيم ربيع قلبي ونور صدري وجلاء حزني وذهاب همي وغمي
✫¸.•°دعاء المكروب✫¸.•°
اللهم رحمتك ارجو فلا تكلني الى نفسي طرفة عين واصلح لي شأني كله لا اله الا انت
✫¸.•°دعاء ازالة الهموم✫¸.•°
ياحي يا قيوم برحمتك استغيث
✫¸.•°دعاء من اصابه كرب وشدة✫¸.•°
الله ربي لا اشرك به شيئا
✫¸.•°دعاء لدفع الهم وانواع البلاء✫¸.•°
لا حول ولا قوة الا بالله العلي العظيم
✫¸.•°✫¸.•°✫¸.•°
✫¸.•°تفائلوا بالخير تجدوه✫¸.•°
✫¸.•°✫¸.•°✫¸.•°
لا تنسي التقييم والدعوة الحلوة ولكٍ بمثل