مجتمع رجيم - عرض مشاركة واحدة - جديدة معكم و بتمنى تساعدووني

كتبت : بياان

السلام عليكم ,, كيفكم ياا قمرااات ,, انا جديدة معكم هوون سجلت عشاان اتشجع ع التغيير و ابدا خطوة جدية عشان انحف و اغير نطام حياتي كلياا باذن الله
احكيلكم اول شي عن حالي ,, انا طالبة جامعية بدرس هندسة سنة تانية وبعاني من مشكلة الي هي زيادة الوزن بشكل كبير للاسف :(
كل مرة بحكي رح ابدا رجيم ,, للاسف بكون كلو كلاام بدون اي بداية جدية ,,كل يوم بحكي خلص رح ابدا و اشد حيلي ولما اشوف الاكل انساا كل شيي حكيتو و ابداا اكل
اهلي تعقدو مني كتير خصوصا انو انا الوحيدة في العيلة الي عندي زيادة وزن ,, على قد ما حكولي وعلى قد ما نصحوني اخر شي تعبو مني و يأسوو اني اضعف ,, بس انا جد حابة كتير اني اضعف وهاد السبب الي خلاني اسجل معكم هوون عشان اتشجع و نشجع بعض وهيك
انا بدات هاي الشغلة معي من شي 7 سنيين ,, بدات من لما تيتى الله يرحمهاا ماتت و انا مالقيت شي اافرغ فيو غير الاكل ,, وصارت هي الشغلة عادة عندي ,, لما اتضايق او ازعل او اي شي اروح اكل واستمرت هاي الشغلة لحد ما وصلت للي انا عليه للاسف :(
انا هلاا بدي اضغف عشاان صحتي و عشاان اهليي وعشااان شكلي اكيد كل بنت بتحب تشوف حالها حلووة وانا كل الي بشوفوني بحكولي حرام عليكي ملامح وجهك ضايعة من هالدهون لاازم تضعفي ,, وانا ان شااء الله عقدت النية بجد على هاد الشي و رح ابدا من بكراا ان شااء الله
اناا طولي 165 تقريباا ووزني 104 للاسف :(
هدفي اوصل وزني شي 65 ل 70 و ان شاااء الله رح اوصلوو بالارادة القوية والعزيمة
يا رييت يا بنااات تعطووني نصاائحكم الي جربتووها و شوو الي عملتووه و كل شي ممكن يفيدني ويفيد غيري ,,, و كيف انو خسارة الوزن بتغير في الشكل من كل النواحي بداية من الوجه لكل شي ,, انو شو بغير في وجهي و هل طولي بيزيد متل ما البعض بيحكي و انو هل لون البشرة بيتغير ؟؟ وانو كيف بدي اشد جسمي و ما يكون في ترهلات و خطوط بيضاا
بتمنى يا بناات انو تفيدوني بتجاربكم الشخصية او تجارب ناس بتعرفوهم مو شي منقول او شفتو من النت لانو ملييت من الي مكتوب في النت اشكال والوان ما بعرف شو اخد وشو اخلي ..
بعرف طولت عليكم بالحكي,, بس والله من الحرقة الي فيي و رغبتي الشديييدة بالتغيير ,, و ياريت تدعوولي وتدعوو لكل الي متل حالتي بهالايام المباركة