اقتباس : المشاركة التي أضيفت بواسطة ريميه2:
السلام عليكم ورحمة الله وبركاته ..

حبيبتي حرووف الله العالم ان اللي فيك عين واعوذ بالله من عيون الناس اللي ماتذكر ربها بس الله يهدي الجميع :icon8:
................................
لازم ترقين نفسك حبيبتي وانا بقولك تجربتي المريره . :smile27:
تقريبا لي سنتين وانا ثابت وزني على 122 ينزل 4 بيوم ويرجعون باليوم الثاني حتى لو شربت ماي بس رجعو
تعبت وانا ادور لي حل من رجيمات الى دكتور تغذيه وغيرها كثير بس كلها مانفعت معي ابد اشوف اللي راحو للدكتور يلقون نتيجه سواء بغو ينحفون ولا يمتنون .
الا انا مكانك سر وهذا طبعا يجيب الاحبااط بالذات ان الكل ياكل اكثر مني بس مايمتنون وانا اللي اكلي خفيف جدا بالعاده دووبه :crying:
قسم بالله اني احيانا ابكي وتخنقني العبره لمى نروح نشتري شي من السوق استحي من زوجي وهو عمره ماحسسني بشي بس الواحد يستحي عاد :rolleyes:
وخاصتنا لمى اشوف حمواتي اكبر مني وياكلون اكثر مني ماشاءالله عليهم تبارك الله بس ماعندهم ذوق بصراحه وانا ام الذوق اللبس شي يمشي الحال وبس مو قهر :pinch::pinch:
وانا شكلي اكبر منهم واذكر موقف مره صارلي وماقد قلته لاحد ابدن مره كنت ماخذه بناتي للمشغل اقص شعورهم
وانا عبايتي علي الموهيم كان المحل زحمه الا تقوم وحده كنت اعرفها معي بالمدرسه كانت كاشفه وجهها بتقص شعرها وهي طبعا ماعرفتني لاني كنت متغطيه تدرين وش قالتلي

قالت ياخـــــالــــه تعالي اقعدي مكااني :smile05:
تخيلو موقفي عندها بعدين قلتلها لا حبيبتي مشكوره وطبعا هي ماعرفتني وهذا احسن شي انها ماعرفتني :smile27:
الموهيم لمى رحت للدكتور معروف ومشهور اسمه عمرو حجازي وسويت فحص الكمبيوتر وسويته مرتين لان البيانات كانت مخربطه ويقولي نسبة الدهون قليله والانتفاخات هذي هوا بس :crying:
الموهيم طولت عليك .. :rolleyes:
مره شفت حلقه للشيخ العريفي وقال ايات العين وسجلتها عندي ولمى اقتنعت اللي فيني عين والله اعلم ..
سويت اللي قاله العريفي .. قال اقري بزيت زيتون ايات معينه مكتوبه عندي بكتبها لك ان شاءالله
واقري بالماي انا كان عندي ماي زمزم بس مو لازم يعني زمزم الموهيم اقري فيهم وادهني بالزيت 3 مرات واشربي من الماي 3 مرات باليوم لمدة 7 ايام .
والحمد الله قبل شهرين تقريبا سويت الكلام هذا وتحرك وزني وقدرت انزل 10 كيلو تخيلي 10 ولله الحمد وطبعا كنت مشتركه بقروب الله يذكرهم بالخير
وانا اشتركت بقروبات كثيره بس الكل ينزل الا انا بس الحمد الله بديت اشوف تحسن ولله الحمد والنفسيه تعدلت واموري تمام اه صحيح كنت اعاني من الامساك بعد مزمن ويقولن بعد من العين يجي
وانا اشرب الحين شاي الرشاقه مااستغني عنه ابد ..
ادري اني طولت عليك كثير وهذرت بما فيه الكفايه بس حبيت تعرفين تجربتي عشان ماتياسين وتقرين على نفسك وتحصنين وموفقه يارب .. :wub: