مجتمع رجيم - كيف نقصت 13 كلغ في ترم دراسي واحد ؟؟؟

اقتباس : المشاركة التي أضيفت بواسطة رشا الرشيقة:
أهلا بكل الوردات الحلوات اللي يتابعوا مواضيعي ويشجعوني

رجعت بذاكرتي للوراء

لما كنت في مرحلة البكالوريس قبل خمس سنوات ونصف تقريبا
ولمن نقلنا من مدينة لمدينة تانية
ثاني ترم كان عندي ضغط شديد في المواد بسبب التحويل :sick::sick:
فكان عندي مواد من ثلاث مستويات
وكان المجموع 9 مواد أو 8 ماني فاكرة دحين

المهم أنا ماكنت ناوية أصلا أسوي ريجيم أو أي شي

لكن كنت يوميا أفطر على نص عصير تفاح أرين :unsure:
وفي الجامعة ما غير أمشي من مكان لمكان أسلم في الواجبات والتقارير :blink2:

واللي يعرف جامعة الملك سعود بالرياض يعرف قد ايش كبيرة مرة:blink2::icon12:

مادة في مبنى 24
والتانية في مبنى 4
ودا الدكتور يبغى الواجب يتسلم الصبح يوم الأحد
والتاني مدري ايش يبغى

وزي كدا

حوووووووووووسة بمعنى الكلمة

كنت أمشي يوميا في الجامعة وكان بالي مشغول بشي تاني كمان
فما كنت فاضية للأكل وإني أشتيهه أصلا

لما أرجع البيت آكل في أصغر صحن في البيت !!! وساعات ما اتغدى أصلا لإنشغال البال

وأمي مرة تستغرب مني :wassat::wassat:

في 3 أو4 شهور نقصت 12 أو 13 كلغ :rolleyes::rolleyes:

ما شاء الله سرت ملكة جمال والجسم مرة خيال
فرق معاي مرة
والله صار وسطي وخصري مرة صغير
والملابس مرة تجنن علي
وكل من شافني قال : تغيرتي

كانت كلمة مرة تفرحني
وأذكر ما كان في بطن أو كرشة

لأ كل الجسم نحف من تقليل الأكل والمشي اليومي وانشغال البال بأمور تانية

هذه أول تجربة لإنقاص الوزن لي قبل خمس سنوات ونصف
وثاني تجربة اللي كتبتها سابقا بعد الولادة قبل سنة
وثالث تجربة الآن ماشية فيها

أحلى شي - قولوا بسم الله ماشاء الله تبارك الله لآ قوة إلا بالله -
إني لمن أرجع في الوزن ما أسمن ديك السمنة السيئة جدا واللي تشوه الجسم وترهله
وإن كنت أشوف إن الدهون عندي تتركز في البطن والأفخاذ والأرداف

لكن دحين في عندي بطن بس مو مرة كبيرة عشان الحمل والولادة
وكمان عشان مرض القولون اللي يجي ويروح:icon9::crying:

بس مي عاجبتي أبدا أبدا

ويا انا يا هي دحين
لا أحد يقول محد يقدر ترجع بطنه زي ما كانت
لأ مافي شي اسمه مستحيل
دايما في أمل وتفاؤل
واللجوء لله يحقق كل مستحيل

فأول تجربة رجعت بعدها نصف الوزن بعد فترة تقريبا لأني سرت آكل أكثر
ولكن احنا كنا نساعد أمي في البيت ونشتغل معاها لأنو أصلا إحنا ما عندنا شغالة
وأمي ما تحبها
وكلنا بنات - ماشاء الله -
وهذا الشي مرة يساعد على حرق الدهون
وهو العمل اليومي في المنزل والمشي في الجامعة

أتمنى تستفيدوا من التجربة خااااااااااااااااااااااااااااااااااااصة

بنات الجامعة الحلوات

بالتوفيق

ودعواتكم لي بالشفاء ولجميع مرضى المسلمين

حبيت أفيدكم من تجاربي يا حبايبي