1 2
| 1 2
|
رز ايراني خطيييير ومافي اسهل منه.... إسم الطباخة: السوسنة اسم الطبخة:رز ايراني المقادير: دجاجة مقطعه الى اربع قطع 4 اكواب رز (أي نوع رز تفضلوه) بهارات(فلفل اسود-كمون-كزبرة ناشفه- بهارات البرياني-ملح-زعفران-لون اصفر) مكعب ماجي قليل من الكزبرة الخضراء والشبت الأخضر 2 حبة طماطم مقطعه الى قطع صغيرة حبة فلفل رومي مقطع الى شرائح 2 حبة بصل مقطعه الى شرائح + ثوم مهروس 2 جزرة مبشورة 3 ملاعق سكر الطريقة:نحط الزيت في القدر ونحط عليه البصل ونقلب الين يسير لونه محمر شوية نحط عليه الجزر المشور ونقلبهم سوا لمدة دقيقتين وبعدين نحط مكعب الماجي ونقلبه شوية وبعدها نحط الدجاج وهو نيئ طبعا ونقلبه مع الجزر وبعدين نحط كل المقادير الباقيه كلها مع بعض ونخليهم شوي على النار لما الدجاج يطلع موية نسيح السكر على النار ونحطو على خليط الدجاج ونزوده موية قليل يعني مقدار نص كاسة ونغطي الين الدجاج يستوي شوية في هاداك الوقت احنا نروح نغسل الرز مررررررره مظبوط ونسلقه نص سلق بالموية والزيت يعني الرز لازم مايكون مستوي مره وبعدها تصفيه من الموية وتحطيه على الدجاج ولازم مايكون في الدجاج موية مره يعني وسط رشي الزعفران وبعدين وطي النار على القدر وغطيه بكيس(لا تخافو ماراح ينحرق) وحطي الغطا وخليه تقريبا ربع ساعه وانتي كمان شيكي عليه يمكن يكون ناقص موية زوديه انت وشطارتك وبس بعدين تغرفيه في طبق التقديم وتحطي عليه مكسرات مقلية ... بالهنا يارب على قلوبكم ملاحظة: لو تبغوا الرز هادا باللحمة لازم تسلقوا اللحمة اول وبعدين تحطوها على البصل وكملوا الباقي... |
تسلمي حبيبتي على الوصفه بجربها انشاء لله وعساها تضبط معاي بعمل كل الي قلتي عليه بالحرف |
تسلمين يالغلا ع الطبخة ربي يعطيج العافية وماننحرم من اطباقج اللذيذة kiss |
تسلمين ياقمر انابعمله بنفس الطريقة |
:) بالهنا والعافية وانتو تطبخوها ادعولي الله يفرجها عليا وعليكم يارب |
عجبتني كتير يا سوسنة هاطبخة.. انتظري تطبيقي المصور إن شاء الله... |
| الساعة الآن 02:02 PM. | 1 2
|
Powered by vBulletin® Version 3.8.7, Copyright ©2000 - 2024, Jelsoft Enterprises Ltd.
Content Relevant URLs by vBSEO 3.6.0