مجتمع رجيم - كفتة الدجاج بالفرن مع الخضار حلوه للرجيم

هلا حبيباتي

أمس سويت غدا من عندي وهو
كفته مشويه بالفرن مع الخضار ....

معليش الأسم طويل شوي هههههه

المهم خذت الدجاج المفروم وحطيت عليه
البصل المفروم والكزبره والملح والبهارات
وشوي طحين وفصين ثوم وخلطتهم مع بعض وكورتهم
وصفيتهم في صينيه تيفال ودخلتها الفرن علشان
ينشوي وخليته لحد ما تحمر من تحت وبعدين حمرته من فوق ...

وهو في الفرن قطعت الخضار اللي بصفها في الصينيه
وهي(بطاطس وطماطم وكوسا وجزر) وصفيتهم على شكل طبقات
أول شي الطماطم وفوقه البطاطس وفوقه الجزر
وأخر شي الكوسا وبعد ما طلعت كور الدجاج من الفرن
صفيته فوق الخضار

http://www.5h5h.com/upfiles/UfQ73820.jpg]

http://www.5h5h.com/upfiles/2GS73819.jpg]

سويت له صلصه حمرا سريعه وكانت صلصة طماطم
علبه كامله خففتها بماي وحطيت فيها شوي بهار
وملح وكزره وصبيتها على الصينيه وصبيت نص كاسة ماي
وغطيت الصينيه بورق الألمنيوم ودخلته الفرن لحد ما نضج الخضار
وقل الماي في الفرن لاحظو أني ما حطيت زيت نهائيا"

http://www.5h5h.com/upfiles/prN73819.jpg]

المهم بعد ما طلع من الفرن خذت شرايح جبن خالية الدسم
وقطعتهم مربعات وصفيتهم فوق قطع الكفته كنوع من التزيين

http://www.5h5h.com/upfiles/0s573819.jpg]

وبس أتمنى تعجيكم وسامحوني على الصور
غير منقووول