مجتمع رجيم - لبنيه باللحم من إختراع أم الجوهرة2009

http://www.rjeem.com/up/images/shgfivqyh7yrrx9stsn.gif

بسم الله الرحمن الرحيم

السلام عليكم ورحمة الله وبركاته

هلا بنات رجييييييييييييم

شخباركم حبيبات قلبي

أدري... من زمان ما نزلت لكم شي من طبخاتي

أنا أشتقت أنزل لكم طبخه.. علشان كذا لما طبخت اليوم الغدا جبت الكاميرا وبديت في التصوير

لطبختي اليوم

وبما إني بنزل الطبخه لحبيباتي عضوات رجيم قلت في نفسي لازم يا أم جوجو تشوفين لك طبخه جديده تكون مو مكرره

قمت إخترعت هاذي الطبخه بس الحمد لله نجحت 10 على 10

وأنتو جربوها وشوفو أوكي

أول شي شوفو الصوره وقولو ماشاء الله خخخخخخخخخ

http://www.5h5h.com/upfiles/jP504424.jpg

هذا الله يسلمكم أنا أحب الكوسا باللبن وبما أني ماعندي لا كوسا ولا لبن قلت خليني أغير في الطبخه شوي وأقلبها من كوسا إلى لحم

الحين ببدأ في شرح الطبخه

المقادير:

لحم هبر / للسلق( بصله+2فص ثوم+2هيل+2مسمار(قرنفل)+ ملح) / 2علبة زبادي / 2ملاعق طعام دقيق /

بصله متوسطه مقطعه شرايح / 1فص ثوم مقطع شرايح / بقدونس أو كزبرة للوجه

http://www.5h5h.com/upfiles/rzy04424.jpg

نجيب الله يسلمكم من كل شر لحم هبر وبصله و حبتين هيل و مسمار ( قرنفل ) وفصين ثوم ملح

نحط في القدر ماي لسلق اللحم ونحط المقادير على الماي وبعد مايغلي نحط قطع اللحم ونخليه ينسلق كويس

http://www.5h5h.com/upfiles/cEd04424.jpg

في هاذي الأثناء نحمر الشعيريه علشان نحطها مع الرز المصري اللي بيتقدم مع لبنية اللحم

http://www.5h5h.com/upfiles/Let04424.jpg

المهم بعد ما نحمر الشعيريه نحط الرز المصري والملح ونسويه بالطريقه العاديه اللي أكيد كلكم تعرفونها

خلصنا من موضوع الرز وسامحوني لأني ماصورت الخطوات والله ماكان قصدي بس كنت مركزه

في الطبخه الأساسيه ونسيت لأصور خطوات الرز سامحوووووووووني

نرجع لطبختنا الأساسيه

بعد ما سلقنا اللحم نشيل قطع اللحم من الماي وننظف الماي من البهارات اللي حطيناها

نحتفظ بالمرقه اللحم علشان نسوي فيه شوربه في وقت ثاني بس خذي منه مقدار مغرفتين شوربه

بنستخدمه بعد شوي والباقي حطيه في حافظه في الثلاجه تمام...

في قدر نحط شوي بصل مقطع شرايح وفصين ثوم مقطع شرايح مع شوي زيت على النار ونحركه لحد ما يشقر

http://www.5h5h.com/upfiles/W9e04424.jpg

في هذا الوقت نخلط علبتين زبادي مع 2ملعقة طعام دقيق وملح

http://www.5h5h.com/upfiles/59j04424.jpg

بعد مايشقر البصل شوي من غير ما يتحمر نحط فوقه قطع اللحم اللي سلقناها

http://www.5h5h.com/upfiles/IiK04424.jpg

ونقلبه شوي وبعدين نحط فوقه خلطة الزبادي ونحرك كويس وإذا ثقل شوي نصب عليه مرقة اللحم

اللي قلت لكم خلوها على جنب(مغرفتين المرقه اللي خليتوها على جنب ذكرتوها خخخخخخ)

http://www.5h5h.com/upfiles/YvY04424.jpg

وتحركون وبعد ما يبتدي يغلي الخليط نصبه في صينيه بايركس ونحط فوقه شوية كزبره أو يقدونس على الوجه

http://www.5h5h.com/upfiles/PZs04424.jpg

وتحطينه في الفرن الحااااااااااااااار لحد ما يسخن مضبوط

ونحمره من فوق ويقدم مع الرز المصري بالشعيريه وبالعافيه على قلوبكم

http://www.5h5h.com/upfiles/OnC04424.jpg

وسامحوني على اللخبطه اللي في الموضوع وأي سؤال أنا في خدمتكم حبيباتي

ليس منقول خاااااص وحصري لمنتدى رجييييييييييييييييييم

ماعندي مانع ينقل الموضوع بس ما أسامح من ينسب تعبي لنفسه أتمنى ذكر المصدر و لا تنسوني بدعوه حلوة ودمتم لي حبيباتي