مجتمع رجيم - بنات لاتحرموني من افراحكم اريد ان افرح مثلكم

وعلـــيــكــم الســلام

هلا وغلا بــدبدوبه شوفي خيـــتوو مدام انـــك جيتــي للمنتـــدى هــادا الشــيء اكــبر دلــيل على عزيمتـــك

هوآآ الحـــل بيـــدك محــد حيســاعدك غيــرها الكلام موجود وكل شيء تبغيــنو حتلاقيه بس اذا مافي تطبيق ماحتستفيــدي حاجه وانــــا بأعطـــيك نصـــايح الي انا اسويـــها :

× حطـــي في بـــالك انـــو مـــافي شـــيء صعـــب اذا حطيــتو في راســي اجيبــو الي نحـــفو مهــوناقــصك عنـــهم شيء والله اذا عنـــدك اراده تســـوي الي مايـــسوى

×وقبـــلو دايم ادعـــي في وكل وقت وبذات الليل لنفســك انو ربي يعطيــك القوه والعزيـــمه ع المواصـــله وتنحفي كمان واهم هادي الاشـــياء الصــبر ثم الصــبر ثــم الصبــر

×حطــي عندك في المكــتب او شــاشه الــجهـــاز او غرفتـــك صــور لبنــات رشيقــات تبغـــي وزنك يصــير زيهم وموديلات حلوه وهادا اكبر شيء اتـــحمــس علــيه

× اهـــم شيء اجلســي بيــنك وبيـــن نفســــك وسوي لنفـــسك جدول اول شيء كم تبغي تنقصي عشان توصلي للوزن الي تبغينو ليش لانو لازم تحطي في بالك انو مهاما صار اوصلو وكمـــان تروحي ع الرجيمات

الي موجوده هنا ماقصروو الحلوات يسعدهم ربي نزلو كل شيء مع تجاربهم وشوفي انتي ايش الي يناسبك طبعا شوفي المشروبات الي تساعد ع حرق الدهون واستفتحي يومك بمويه كثري منها في اليوم

×لازم تحطي في بالك انو تمشي ساعه متواصله لاتقولي نص ساعه نصيحه منيوالنتيجه والله تبين عليك في اسبوع بس ايش لازم ساعه متواصله في اليوم او اذا تقدري بعدها قولي ساعتين او اكتر طبعا

الساعات منفصله صباح وقبل لاتنامي وكدا بس اذا انتي مبتدئه خليها ربع وبعده نص وبعدها رح تتعودي وتشوفي كمان

× سجــلي في اليوميات لانو يوم تقري يوميات البنات وكمان يوم تكتبي تحسي بالحماس وتشوفي انو الكل ماشاء الله يبذل مجهود يمكن اكتر منك وسجلي في مسابقه المشي واسالي اذا عندك سؤال سوي

توقــع هادي كل اشياء تحسي فيها تحدي وتنبسطي وانتي مع الدايت

× لازم تسوي تمارين وموجوده عندك في التمارين المصوره ع الاقل ربع ساعه وكمان تحطي وقت لرقص لانو ممتع واللهي وحتنبسطي وكمان ينزل وشوفي رقص يكون في حركات للخصر ويعني حركه كتيره

× اهم شيء لاتقولي انو ماحقدر ولا خبصت وهادا الي يصير دايم اتعودي تتحملي المسئوليه انا وصلت لهادا الوزن اجل مسؤليتي انزلو وربي حتقدري بس ايش اصبري وقوي ارادتك وخلي عندك عزيمه لانو

حتندمي بعد ماتاكلي وتقولي ياليت ما اكلت بس ايش يفيد هادا الشيء والاكل ع قولتهم مابيطير يوم يصير وزنك مثالي حتفرحي وحتلبسي وحتكوني استايل فكري بهادي الاشياء

>> طولت عليك بس بجد ابغاكي تنحفي لانو مو صعب

ووبس اتــمنــى اكــون افدتـــك واذا فــي اي سؤال تـــامرين امـــر